HARGAYSA(Wajaalenews) Madaxwaynaha JSL Axmed Maxamed Maxamuud Siilaanyo  iyo ku xigeenkiisa Cabdiraxmaan Saylici ayaa  talada Dalka Jamhuuriyada somaliland loo dhaariyay 27/07/2010  si sharciya u hogaamiyaan dal waxaanay xilka kala wareegeen Madaxwayne Daahir Riyaale Kaahin iyo ku xigeenkiisii Axmed Yuusuf Yaasiin  oo xilka hayay mudo todoba sano ah.

Xukuumada Siilaanyo ayaa mudo xileedkeedii marayaa shan sano iyo sedex bilood waxayna xiligan ku jiraan mudo kordhintii Golaha Guurtidu u samaysay iyagoo dhamaystay mudo xileedkoodii xalaasha ahaa.

Mudada shanta sano iyo dheeraadka ah ayaa waxaa talada gobolka Awdal loo daba fadhiisanayay Madaxwayne kuxigeenka Somaliland Cabdiraxmaan Cabdilaahi Ismaaciil SAYLICI. oo ah masuul kasoo jeeda Awdal buuxiyayna xilkan  oo reer Awdal mudo soo fadhiyeen halka ay mudo 7sano ah ay ka hayeen kursiga dalka ugu sareeya oo uu ku fadhiyay Daahir Riyaale Kaahin oo lagu xasuusto in uu bulshada reer Somaliland kaga tagay bulsho midaysan kuna dooda xisbinimo balse aan isku bahaysan qabiilnimo.

Hadaba hadii aynu u daadegno ujeedada qoraalkeenan oo aynu isleenahay  shacabka reer somaliland ugu iftiimino dhibta, kala qaybinta ,nin jeclaysiga uu Madaxwayne kuxigeenka somaliland Cabdiraxmaan Saylici ka fuliyay gobolka awdal walina ka socota. taasi oo sobab u noqotay in bulshada reer awdal ka fogaadaan Jamhuuriyada Somaliland oo ay Seeskeeda lahaayeen tacab badanina ka galay.

Maamul Xumada  kala dhawaysiga beelaha reer Awdal ee Cabdiraxmaan Saylici ayaa sobab u noqotay in SULDAAN ABIIBAKAR CILMI WABAR oo ka falaagoobay somaliland una badheedhay in uu Shacabiga reer Awdal uu ka horkeeno Qarankii ay Bud dhigiisa lahaayeen

sidoo kale hab dhaqanka Saylici ayaa  dib ugu celiyay in Shacabka Reer Awdal da’ayartoodii  ku dhawaaqaan Heesta Astaanta u ah Dawlada Taagta daran ee muqdisho “Ereyada Somaaliyeey Toosoo Isku Tiirsada Eey”

dhanka kale Cabdiraxmaan Saylici ayaa dhowr jeer xukuumada uu ka tirsan yahay kaga cadhooday in ay u gacan dhaafayso Gobolkiisii taasi oo keentay markii danbe in faraha looga  qaado balse badka soo dhigtay  in Saylici aanu bulshada Reer Awdal hananka karin

Waxaase Xusid mudan in Shan Sano iyo dheeraad bulshada Reer Awdal daris la noqdeen dhacdooyinkaa aynu kor ku soo sheegnay waxayse  mar kaliya  soo jeedisay indhaha bulshada reer somaliland  gaar ahaan Caasimada Hargaysa si fiican u arkaan maamulka Saylici xili uu dalka oo dhan ku sime ka ahaa Awooduna ay gacantiisa ku jirtay  dhacdooyin murugsana ay ka dhacay gobolada  Awdal iyo Saaxil oo aanu gabi ahaanba ka hadal haday tahay tacsi xataa uu u diro qoysaskii caruurtoodu ku dhimatay   shaqaaqadii ciyaaraha ee Magaalada Borama iyo muranka wareejinta haamaha shidaalka oo gaadhay in ay dhalinyaro hubaysani  galaan buuraha gobolka saaxil.

Madaxwayne kuxigeenka ahna ku simaha Madaxaynaha Cabdiraxmaan Saylici afka ayuu ka xidhay wuxuna ku mashquulay muranka xisbiga kulmiye iyo sidii uu kursigan u sii adkaysan lahaa isagoo og inuu bulshadii soo dooratay iyo Gobolkii Awdalba faro madhan ka taagan Yahay

Waxaa Xusuus mudan dhacdadii uu HOTEL MAANSOOR ku amray in ayna munaasibad ku qabsan Wasiiradii uu xukumayay  isagoo adeegsaday Ciidamada RRUda. isagoo raacay garabkamida garabada ku hirdamaya xisbiga kulmiye oo isl

Arinta ayaa bulsho waynta reer Somaliland dareensiisay talada Saylici  garowsadayna cabashadii reer Awdal ay u wayday jawaab Qaranimo.

Dhan kale Cabdiraxaam Saylici ayaa faro madhan ka jooga dhamaan xubnaha Wasiirada  kaga jira Gobolka Awdal marka laga Reebo Cali Xaamud Jibriil oo ay isku jufo hoose yihiin.

waxaana gabi ahaanba ka dhaqaaqay Xildhibanaada Baarlamaanka, Guurtida Ee Reer Awdal

Sidoo kale waxaa iyaguna ka quustay Xubnaha ugu jira gobolka awdal Golaha Dhexe ee Xisbiga Kulmiye

Isku soo wada duuboo waxaa dhamaatay mudadii la doortay iyadoo  bulshada Reer Awdal iya Shacabka Somaliland ay taabatay maamul xumada Saylici oo walina raba in shan sano oo kale la doorto isagoo sii jeclaysnaya qiimaha xilka  maankiisana ku haysta halka ay isaga iyo Awdal kala joogaan

waxaase laga war Sugi doonaan damaca Wasiirada Gobolka Awdal ee u Hanqaltaagaya Buuxinta jagada Madaxwayne kuxigeenka dalka oo xiligan ay isku bahaysteen Wasiirada ugu Culus gobolka awdal  Guurtida iyo guud ahaan Bulshada reer Awdal  Sidii ay u dooran lahaayeen masuul isku wadi kara Shacabka Reer Awdal ku kala fogaaday taladii Cabdiraxmaan Saylici.

WAJAALENEWS DESK

HARGEISA OFFICE

WARIYE YUUSUF HIRSI

EMAIL;WAJALENEWS@GMAIL.COM