MAKAH(Wajaalenews) Wararka naga soo gaadhaya magaalada Barakaysan ee Makka Al-mukarama ayaa sheegay in ugu yaraan 62 ruux ay dhinteen halka tiro kalena ay dhaawacantay kadib markii Wiish ka mid ah kuwa lagu dhisayay Xaramka uu soo go’ay islamarkaana uu dumiyay qayb-ka mid ah dhismaha Xaramka.

Gaadiidka gurmadka deg deg ah ayaa la aryaa oo daad guraynaya dadka ku waxyeeloobay shilka, sidoo kale waxa jira roobab badan oo ka da’aya Agagaarka Masjidka.

tiro badan oo Xujaaj ah ayaa ku sugnaa masjidka gudihiisa marka shilku dhacay.

weli lama xaqiijin Waddamada ay ka soo kala jeedaan dadka dhintay iyo in khasaaruhu intaa ka badan yahay.