“maalintii Care loo diiday aamina ,wixii naga dhacay waatii la ogaa. mudane Axmed Maxamed Maxamud Siilaanyo madaxweynaha sharafta badan iyo marwadiisa dedaalka badan waxaan leeyahay shalay dulmiga weynu wadda necbayn ana waan idin garabtaagnaa.”

Hargaysa(Wajaalenews) Xoghayaha siyaasadda Xisbiga waddani mudan Maxamud Raage Ibraahim  oo shirjaraa,id ku qabtay magaaladda  Birmingham ee dalka Ingiriiska ayaa ka hadlay dhacdooyin la xidhiidha amniga oo muddooyinkii ugu dambeeyay ka dhacay magaaalada hargeysa ee caasimadda Somaliland.

Agaasimihii hore ee wasaaradda arrimaha debedda oo xilkaasi iskacasilay kadibna ku biiray xisbiga mucaaradka ah ee waddani mudane maxamud raage oo arrintaasi ka hadlaya ayaa yidhi  “ waxaa ayaan-darra ah oo nasiib xumo ah inay ay caruurtii reer Somaliland qaarka mid ahi ay ku baxaan gacantii ciidanka bileyska,qadarta lama diidana oo illaahay subxaanuhu watacaala ayaa qadarta haya oo ay gacantiisa ku jirtaa,shilna wuu dhici karaa laakiin markii aanu dhagaysanay doodihiinii ,doodii ciidanka bileyska dhexmartay iyo siyaasiyiintii iyo dhalinyaraddii markaanu dhagaysanay doodii ninkii inankiisu ku dhintay ee Axmed Jabaan, markaan maqalay warkii naga soo gaadhay saldhiga booliska ee inanka rasaastu ku dhacday,markaanu maqalnay shilkii ka dhacay xaafadda daami ee inanku ku dhaawacmay intaa markaanu isu gaynay waxaa soo baxday inay jirto qayral masuuliyadda darro katimi xaga xukuumadda gaar ahaan taliskii ciidanka  booliska ee qiimaha badnaa ee aanu ixtiraami jirnay ”.

Xoghayaha siyaasadda xisbiga waddani maxamud raage ibraahim wuxuu siddoo kale tacsi u diray ehelkii iyo qaraabaddii ay ka baxeen dhalinyaraddii ku baxay gacanta ciidanka booliska gaar ahaan mujaahid axmed jabaan oo uu si gaar ah u xusay.

Xoghayaha siyaasadda xisbiga waddani mudane maxamud raage wuxuu madaxweyne siilaanyo iyo marwadda koowaad ee Somaliland xasuusiyay maalmo taarikh leh oo soo maray waxaanu yidhi “ mudane axmed maxamed maxamud siilaanyo,madaxweynaha sharafta badan iyo khayr alla ha siiyee marwadiisa dedaalka badan waxaan leeyahay shalay dulmiga weynu wada necbayn, ana waan idin garab taagnaa,maalintii aamina care loo diiday wixii naga dhacay waatii la ogaa, maalintii axmed ciidanku rasaas ku fureen wixii qaylo naga dhacay waa la ogaa ,manta jawaabaa idin hortaala ,Axmed jabaan Xabadda inankiisa madaxa kaga dhacday meelsaara, Taliyihiina iyo wasiirkiinu meel ha saaraan.”

Maxamud Raage siddoo kale wuxuu sheegay inay manta u muuqato kutuhusho sharci iyo inay xukumaddu hortaagan tahay xeerkii doorashadda ee golaha wakiiladda , waxaanna uu soo jeediyay in la diyaariyo doorashadda guurtidda lafteeda  isagoo arrintaas ka hadlaya wuxuu yidhi “ Sharci daraan arkaa ,maamul xumaaan arkaa,haddaynu xeerka gudbi kariweyno dowladnimadaynu caadayaynaaye arrintii Somaliland dib haloo eego”.