Hargeisa(wajaalenews)-Manchester City ayaa isku diyaarineysa iney 60 Malyan Oo Pound kusoo xerogaliso Kevin De Bruyne wuxuuna noqonayaa xidigii ebid ugu qaalisanaa kooxaha British-ka. (Mirror)

Zlaatan Ibrahimovic ayaa la filayaa inuu isaga hayaamo kooxda Paris Saint Germain, 33-jirkaan ayaa lagu xamanayaa inuu kusii jeedo kooxda Manchester United iyo inuu noqdo saxiixa layaabka leh ee uu sheegay Van Gaal. (Sky Sports)

Kooxda difaacaneysa horyaalka faransiiska ee Paris Saint Germain ayaa 45 Malyan Oo Pound dalab ah u dirtay Manchester United kaas oo ay ku dooneyso Di Maria. (RMC via talkSPORT).

Goolhayaha Arsenal Wojciech Szczesny kaas oo 25-jir ah ayaa heshiis shakhsi ah la gaadhay kooxda As Roma wuxuuna ugu biirayaa heshiis amaah hal sano ah. (Mail)

Garabnka Barcelona Pedro ayaa doonaya inuu isaga tago Camp Nou, iyadoo Enrique uu qiray inuu bixi karo hadii kooxda ay hesho lacagaha 22-ka malyan ee la duldhigay madaxiisa. (Telegraph)

Real Madrid ayaa isku dayeysa iney ku qanciso Sergio Ramos inuu iska iloobo ku biiritaanka Man United, wuxuuna wadahdal la yeshay Florentino Perez. (Manchester Evening News).

Manuel Pellegrini ayaa diyaar u ah inuu dalabyo cusub u diro Sergio Ramos iyo Nicolas Otamendi oo labaduba bartilmaameed u ah kooxda Man United. (Mirror)

Wakiilka Fabio Borini ayaa ka dhawaajiyay iney wadahadal kula jiraan kooxda Fiorentina isla markaana loo maleynayo in 24-jirkaan uu ku biiro kooxda ku ciyaarta Artemio Frenchi. (Star)

Gary Cahill ayaa ku booriyay da’yarka England John Stones inuu kasoo tago Everton kuna soo biiro Chelsea, iyadoo Blues aysan dalab labaad u diri doonin kooxda Goodinson Park ku ciyaarta. (Guardian).

Liverpool ayaa dooneysa iney u dhaqaaqo saxiixa daafaca kooxda reer France Paris Saint Germain Lucas Digne kaas oo 22-jir ah. (Mail)

Ashley Young ayaa doonaya inuu sii joogo kooxda Man United isla markaana heshiis cusub laga saxiixo xili wadahadaladii heshiis kordhintiisa la hakiyay.  (Star).

Adebayor iyo Lennon oo lagu qasbay iney la tababartaan kooxda yaryar ee Tottenham, waxaana la filayaa iney isaga tagaan kooxda ku ciyaarta White Hart Lane.

Rafael Van der Vaart ayaa ka shalaayay go’aankii uu sanadii 2012 kaga tagay Spurs, isagoo ku sheegay inuu ahaa go’aankii ugu xumaa oo uu gaaro noloshiisa ciyaaraha. (Mirror)

Da’yarka Everton Gerard Deulofeu ayaa dhaawac dhanka muruqa ah uu soo gaadhay kulankii ay Singapore kula ciyaareen Arsenal, balse taas lama micno ah inuu seegayo horyaalka bilowgiisa. (Liverpool Echo).

Hargeisa Office

Wariye Abuu Maxfuud