Hargeysa(Wajaalenews) Wada hadalladii maalmihii ugu danbeeyeba Axsaabta Mucaaridka iyo Xukuumadda Somaliland uga socdey Hotel Ambassador Ee Magaalada Hargeysa Oo ujeeddadoodu ahayd in xal loogu helo khilaafkii ka dhashay muddo kordhin Xukuumadda Siilaanyo loo sameeyo ayaa goor dhoweyd kusoo gebageboobey is afgarad la’aan iyo in lagu kala kacay.

https://youtu.be/l3ocBpDSQIM

Guddoomiyaha Xisbiga Waddani Ahna Guddoomiyaha g/Wakiillada Somaliland C/raxmaan Maxamed C/laahi Cirro Oo Warbaahinta la hadlay ayaa isagoo is mari waaga iyo in lagu kala koco wadahadalladaas ku eedeeyey dhinaca Xukuumadda Siilaanyo Wuxu Baaq u diray Beesha Caalamka oo uu ka codsaday in ay arrinta soo gacan geliyaan.

Dhinaca kalena koox wadaaddo ah oo u socotey arrintaas balse la sheegay in xukuumaddu ka danbaysey ayaa iyagana aanay u suurto gelin kaddib markii madashaas oo ahayd meel ammaankeeda la adkeeyey loo diidey in ay galaan oo laga joojiyey.