Khartoum:(W.N):-Ilaa iyo haatan inta la xaqiijiyey 13-qof oo Somali ah ayaa ku geeriyooday shil gaadhi oo ka dhacay meel aan sidaas ugu fogayn magaalada Khartoum ee dalka Sudaan.

dhinSoomaalidan, ayaa la sheegayaa inay ahaayeen tahriibayaal doonayey inay waddanka Libya u tallaabaan, waxana gaadhigii siday uu kula dhacay meel raf ah oo aan ahayn waddadii gaadiidka loogu talo galay.

Waxa la sheegay in ay soo mareen Itoobiya oo ay doonayeen in ay u sii talaabaan dalka Libya.

Safaarada Soomaliya ee Sudan ayaa sheegtay in weli la isku dayeyso in la aqoonsado maydadka ka hor inta aanan la aasin.

Sudan ayaa bilooyinkii la soo dhaafay waxa ay aad u adkeysay dal ku galkeeda waxa ay mamnuucday dadka sida sharci-darada ah ugu tahriibaya dalkeeda ama doonaya in ay sii maraan dalkeeda