Paris:(Wajaalenews)-Midka mid ahayd Diyaaradaha Rakaabka qaada oo laga Lahaa Dalka Jarmlaka, ayaa goor dhaweyd ku burburtay Buuralayda Alpa ee Waddanka Faransiiska.

Rajada laga qabo dadkii rakaabka ahaa ee diyaaradaas saarnaa, ayaa aad u hoosaysa, waxana la filayaa inay aad u yartahay fursadda lagu heli karo dad arrintaas ka badbaaday.

Diyaarada bur burtay waxaa saarnaa dad gaadhaya 148-qof waxa ayna Diyaarada ka baxday Magaalaada Barceolana ee Dalka Spain waxa ayna kusii jeeday Magaalaada Duesseldorf, waxaa la sheegay in diyaarada ay dirtay qaylo dhaan ka hor intii aanay dhicin.

Madaxwaynaha Faransiiska Francois Hollande, oo goordhaw ka hadlay shilkan diyaaradeed ayaa sheegay in ay yar tahay rajada lagu heli karo dad badbaaday, waxa uuna tilmaamay in ay socdaan baadhitaano iyo gurmad .

Diyaaraddan laga leeyahay Dalka Jarmalka ayaa waxaa adeegsanayay shirkadda Jarmalka ah ee Germanwings, oo ka hoos shaqaysa shirkadda diyaaradaha Lufthansa.