BARBERA(Wajaalenews) Madaxweynaha somaliland Mudane Axmed Maxamed Silaanyo waxa uu ka qaybgalay ciyaar kubada cagta ah oo lagu kala qaadayey koob loogu magacdaray waxqabadka xukuumada madaxweyne axmed maxamed silaanyo oo ka dhacday garoonka maayar cabdalle Stadium, oo dhex martay labada kooxood ee Dawlada hoose iyo Wakaalada biyaha.

Madaxweynaha oo intaanu gaadhin garoonka kubada cagta soo kormeeray dadka danyarta ah ee garoonka ku hareeraysan oo dawlada hoose ee berberi gudoonsiiyey looguna rakibay buulasha iyo jiingadaha ay degan yihiin qalabka casriga ah ee cadceeda kaydiya ka dibna dabka dhaliya loona yaqaan solarta, ayaa ku soo noqday garoonka kubada cagta oo uu madaxweynuhu, gebegebadii gudoonsiiyey kooxdii ku guulaysatay koobka oo noqotay kooxda ku ciyaaraysay wakaalada biyaha berbera.

isaga oo madaxweynuhu markii danbena uga mahadnaqay dhamaan kooxihii ku tartamaayey koobkan, sigaarana waxa uu madaxweynuhu uga mahadnaqay labadii kooxood ee soo bandhigay ciyaar wanaaga oo uu madaxweynuhu halkaasi ka hambalyeey guulaha ay gaadheen kuna soo bandhigeen ciyaar dadka qancisa soona jiidatay dadka daawanaayey ee uu madaxweynuhu ka midka ahaa.

WAJAALENEWS DESK

EMAIL;WAJALENEWS@GMAIL.COM