HARGEISA(Wajaalenews);Weerar yahanka kooxda Arsenal ee Alexis Sanchez iyo difaaca kooxda Swansea City ee Angel Rangel ayaa iskugu jawaabay barta Twitterka, kadib guul daradii Arsenal ka soo gaadhay Swansea City.

Alexis Sanchez ayaana sheeda hor bilaabay kadib markii uu kulankii Arsenal iyo Swansea ka hor uu bartiisa twitterka soo dhigay sawir isaga iyo qaar ka mid ah kooxdiisa Arsenal kuwada jiraan, kaas oo uu soo raaciyay qoraalkan: “Waxaan doonayaa inaan seexdo, barri saddexda dhibcood waxay dib ugu soo laaban doonaan London #GUNNERS!!!”

Kadib markii uu xaalku isbadalay isla markaana ay Swansea City saddexdii dhibcood isku hubsatay ayuu difaaca ree Spain ee Angel Rangel ayuu Sanchez u jawaabay oo yidhi: “ Waxay saddexdii dhibcood baaqi ku ahaadeen Swansea, waa bandhig fiican oo ay kooxdu markale soo bandhigtay #SWANS”.

Uga danbaynWayne Routledge oo isna Swansea City ka tirsan ayaa sii raaciyay : “Ermmmmmm., shaqada kooxda ayaa suurto galisay shaqadii lagu riyoonayay”.

Guuldarada Swansea City ayaana Arsenal iyo tababaraheeda Arsene Wenger ku noqotay dhirbaaxo daran, wuxuuna Wenger awoodi waayay inuu sharaxaad ka bixiyo sababta ay kooxdiisu u guuldaraysatay iyadoo goolka ku hormartay.

WAJAALENEWS SPORTS

WARIYE CABDISAMED CALI XALANE

NARIOBI OFFICE