Hargeysa-(Wajaalenews)–Lix qof oo ay ku jiraan dirawalkii Madaxweyne ku xigeenka Somaliland iyo Wiil uu dhalay Madaxweyne Ku xigeenku ayaa ku dhaawacmay shil baabuur oo galabta ka dhacay deegaanka Dacar-budhuq.

Shilkan baauur oo haleelay gaadhi ka mid ah kolonyo baabuur ah oo la socotay wefti uu hogaaminayo Madaxweyne ku xigeenka Somaliland oo ku sii jeeday magaalada Burco, ayaa waxa kale oo ku dhaawacmay Sawir qaade la socday weftiga Madaxweyne ku xigeenka iyo Seddex qof oo kale.

Dad goob joog ahaa ayaa Hdhwanaagnews u xaqiijiyay in shilkani ka dhashay kaddib markii gaadhi kale oo shicib ahi uu ku dhacay gaadhi ka mid ah baabuurtii weftiga Madaxweynaha ee maraayay jidka u dhaxeeya laamida u dhaxaysa Hargeysa iyo Dacar-budhuq.

Lama xaqiijin in Diriwalka Madaxweyne ku xigeenka ee shilkan ku dhaawacmay uu ahaa Dirawalkii waday gaadhiga Madaxweyne ku xigeenku saarnaa iyo in ahaa Dirawalkiisii Labaad oo gaadhi kale saarnaa xilliga uu shilku dhacay., waxaana dhammaan dadkii ku dhaawacmay shilkan hada lagu dawaynayaa Cusbitaalka guud ee magaalada Hargeysa.

Shilkan ayaa lagu soo waramayaa in aanu waxba ka badalin safarkii waftiga Madaxweyne ku xigeenka oo gaadhay magaalada Burco