Addis-ababa(Wajaalenews) Dawladda Itoobiya ayaa la sheegayaa in ay Amartay in uu dalkeeda ka baxo Cali Khaliif Galaydh oo muddo dhawr cisho ah ku sugnaa caasimada Dalkaasi.

Warar hordhac ah oo ka soo baxaya Dalka Itoobiya ayaa sheegaya in ay amartay in uu ka baxo dalkeeda, hase yeeshee illaa hada si rasmi ah looma oga in uu ka baxay iyo dhinac uu u baxay toona.

Cali Khaliif ayaa sheegay in uu dalka Itoobiya kaga qayb galayo shir beesha Caalamku Addis ababa ugu qabanayso maamulada Somaliya, kaasoo uu sheegay in lagu soo martiqaaday.

ilo wareedyada warkan laga helay ayaa sheegaya Dawladda Itoobiya in ay cadaadis kala kulantay Xukuumadda Somaliland iyo Maammul-goboleedka Puntland, kuwaas oo diiddan magaca iyo maamul Goboleedka uu Cali Khaliif kaga qayb galayo shirka Addis ababa