Hargyasa(WJN:-golaha wakiilada somaliland ayaa fadhigoodii maanta ku ansixiyey wasiirka wasaarada xidhiidhka golayaasha iyo technolog-yada.

Fadhiga maanta ee golaha wakiilada somaliland oo uu shir gudoominayey gudoomiye ku xigeenka koowaad ee golaha wakiilada somaliland Baashe Maxamed Faarax  ayaa waxa ka soo xaadiray 45 xildhibaan oo ka mid ah 82-ka xildhibaan ee golahaasi ka kooban yahay.

Ka dib markii xoghayaha golaha wakiilada somaliland uu mudanayaasha golaha wakiilada u akhriyey CV-ga wasiirkaas ayaa gudoomiye Baashe Maxamed Faarax  waxa u xildhibaanada u soo jeediyey inay u codeeyaan wasiirka.

Xildhibaanada golaha wakiilada somaliland ayaa cod u qaaday ansixinta wasiirka xidhiidhka golayaasha iyo Technolog-yada waxaana ogolaaday 19 xildhibaan, waxaana diiday 5 waxaana ka aamusay 20 mudane halka aanu codayn gudoomiye Baashe Maxamed Faarax.

Si kastaba ha ahaatee  ansaxinta mudanayaasha golaha wakiiladu ay ansaxinayeen wasiirka wasaarada xidhiidhka  golayaasha iyo tignoolajiyada ayaa u muuqatay mid ay ka biyo diidanayeen xildhibaanadu .

HARGAYSA OFFICE
WAJAALENEWS.NET
EMAIL:HABANE00@GMAIL.COM
WARIYE:ABDIQADIR ABDIRAHMAN HABANE