Qaramada Midoobay oo Danbiyo dagaal ku tilmaanta Weerada Israel ka wado Marinka Qaza | WAJAALE NEWS
WAJAALE NEWS
Qaramada Midoobay oo Danbiyo dagaal ku tilmaanta Weerada Israel ka wado Marinka Qaza
July 23, 2014 - Written by Editor:

Navi-Pillay-310x206

 

Nairobi,(Wajaale-News): — Madaxa xuquuq-insaanka golaha ammaanka ee Qaramada Midoobay Navi Pillay ayaa ku tilmaamtay duqaymaha Israel ee marinka Gaza danbiyo dagaal, iyadoo maalinkii 16-aad ay weerarro isdab-joog ahi ku socdaan dhulka Falastiin.

Waxaa kaloo ay canbaaraysay gantaalada kooxda Falastiiniyiint ah ee Xammaas ay u isticmaalaan dagaalka ay kaga soo horjeedaan Israa’iil, waxaana ay ku baaqday in xal deg deg ah laga gaaro dagaalladan oo khasaarooyin badan gaystay ilaa iyo hadda.

“Tani waxa ay u muuqataa in ay xad-gudub ku tahay xeerarka caalamiga ah ,waana hubaal in ay danbiyo dagaal yihiin “ayey tidhi Pilly oo Israel ku dhaliishay xasuuqa loo gaystay kumanaan Falastiiniyiiin ah oo caru-ur u badan.

Israel ayaa duqaymo ku dishay dad lagu qiyaasay 648-ruux ,iyadoo ciidamada Yuhuudana laga dilay 31-ruux oo 29 kamid ah ay yihiin ciidamada u dagaalamaya,waxaan Pilly ay ku sheegtay duqaymaha Israel ee Gaza kuwa xad-gudub ah.

 

Wasiirka arimaha dibadda Falastin Riad Malki ayaa golaha ammaanka ee Qaramada Midoobay u sheegay in Israel ay masuul ka tahay dhimashada kumanaan ruux oon waxba galabsan halka wakiilka Yuhuud ee UN-ka na uu sheegay in dowladdooda ay ku dadaalayso dhimidda dhimaashada dadka Falastiniyiinta ah.

Ugu danbayntii xog-hayaha arimaha dibadaa Maraykanka John Kerry ayaa lagu wadaa in uu yimaado caasimadda Telaabiib si looga wada hadlo suurta-galnimada xal ka dhex dhasha dagaaladan u dhaxeeya labada dhinac.

COMMENTS
LINKS