Hargaysa(Wajaalenews)Tartanka koobka aduunka oo si rasmiya uga furmay dalka Brazil, ayaa munaasibada aad u balaadhan oo lagu qabtay furitaanka koobka aduunka, ayaa kadib ciyaartii ugu horeeysay ee lagu daah furey koobka aduunka ayaa waxa uu dhex maray Xulka Brazil ee iyagu martigeliyey Tartanka koobka aduunka iyo Xulka Qaranka Croatia.

Haddaba Ciyaartan dhexmartay Labada Xul ee Brazil iyo Croatia, oo ahayd ciyaar aad u xiiso badan oo labada Xulba soo bandhigeen awoodooda,ayaa waxa bilawgii ciyaarta waxa u suurtagashay Xulka Croatia, inay gool dhashadaan, waxaana goolkaas iska dhaliyey Ciyaaryahanka  difaaca uga ciyaara Brazil ee Marcela, taas oo Xulka Brazil u horseeday inay weerar joogto ah qaadan,, isla daqiiqado yar kadibna waxa kooxda Brazil goolkii barbar dhaca u saxeexay Neymar, waxaana qeybtii hore ee ciyaarta lagu kala nastay 1-1-gool.

Markii la isku soo laabtay qeybtii dambe ee ciyaarta ayaa Xulka Brazil waxa ay haleen daqiiqadii 77 Rikoodhe, waxaana Rikoodhahaas gool u badlay Neymar, Xulka Croatia, ayaa weerar joogta ah soo qaaday, goolal badana iska cunay, balse markii lagu wakhtigii dheeraadka ahaa ee ciyaarta ayaa daqiiqadii kowaad Ciyaaryahanka Oscar ee Xulkiisa Brazil u dhaliyey goolkii Saddexaad, waxayna halkaas Saddexdii dhibcood ee ciyaarta ku qaatay Brazil.

Wajaale News
Hargaysa Office
Email:habane00@gmail.com
Wariye:Abdiqadir Abdirahman Habane