London(Wajalenews)Xafiiska Tvga Qaranka Oo Ku Yaala Daarta Loo Yaqaan Crown House Oo Ay Ku Wada Yaalaan Tv-Yada Kale Sida Horn Cable Iyo Kuwo Ajaaniba ,Ayaa Sida Ay Hadhwanaagnews Ay Ka War Heshay Oo Loo Xaqiijiyay In Al-Baabada Loo Laabay Kadib Markii Ay Isugu Biirtay Laba Arimood Oo Kala Ah, Xafiiska Oo Aan Ku Diiwaangashayn Magaca Somaliland Balse Ku Diiwaan Gashay Karin Housing Assosiation Oo Xafiiskiisa Rasmiga Ahi Ku Yaalo Bariga London, Iyada Oo Kiradii Isku Gaadhay, Isla Markaana Uu Hadheeyay Musuqmaasuq Iyo Maamul Xumo.
Sidii Aanu Hore U Baahinay Muddo Haatan Laga Joogo Dhawr Todobaad Oo Anu Sheegnay Ila Xogogaal Ah Oo Tibaaxaya In Ay Jirto Baadhitaan Ay Ku Waddo Waaxda Cashuuraadka
Ee Degmada Brent Ee Galbeedka Waqooyi Ee Magaalada London Oo Ah Goobta Ay Ku Taalo Xarunta Tvga Qaranku.
Arintan Ayaa Waxa Ay Ku Soo Beegmaysaa Xili Ninka Ku Magaacaban Agaasime-Waaxeedka Qaarada Yurub C/Raxmaan Aadan Dhari(Quful) Ee Tvga Qaranka Oo Dhawaan U Dhoofay Magaalada Hargaysa Si Uu Uga Raadsado Xil Xukuumada Siilaanyo Oo Hore Ugu Magawcaday Agaasime Waaxeedka Tvga Qaranka Ee Qaarada Yurub Inta Loo Helayo Xil Kan Ka Sareeya.
Dhan Kale Waxa Isaguna Ku Sugan Magaalada London Ninka Ku Magaacaban Gudoomiyaha Tvga Qaranka Oo La Yidhaahdo Cabdi Bacaw Oon Kaba Soo Xaadirin Xarunta Tvga Qaranka, Marka Laga Reebo Xiliyadda Gunooyinka Lacageed Loo Soo Dirayo Mooyee, Sida Hadhwanaag Ay U Xaqiijiyeen Dad Xogogaali, Waxana Cabdi Bacow La Sheegay In Lacagtii Kirada Oo Lagu Soo Hagaajiyay Isaga Uu Weec Saday Ilaa Iyo Haddana Aanu Gaadhsiinin Maamulka Crown House.

Hase Ahaatee Wararka Hadhwanaag Soo Gaadhaya Ayaa Waxa Ay Sheegayaan In Wasiirka Warfaafinta C/Laahi Cakuuse Uu Ku Soo Fool Leeyahay Magaalada London Si Uu Uga Qayb Galo Munaasibada 18 May Ee London,Waxana Ay Tijaabo Ku Tay In Wasiir Cakuuse Wax Ka Badali Karo Xaalada Tvga Qaranka Ee Yurub Oo Sum Cad Xumo Ku Ah Qaranka Somaliland, Hadhwnaag Waxa Ay Isku Day Day In Ay Wax Ka Waydiiso Gudoomiyaha Cabdi Bacaw, Hase Ahaatee Noomay Suurta Galin, Waxana La Sheegay In Ay Adagtahay In La Helo.

Wajaalenews.Net

Hargeisa/Office