Hargaysa(Wajaalenews):-Waxaa maanta si balaadhan guud ahaanba Gobalada,Dagmooyinka Iyo Tuulooyinka Somaliland  loogu dabaal dagay Xuska Sanad guurada 23-aad ee ku began xiligii ay Shacbiga reer Somaliland ay Xornimadoodii luntay 1960-kii ay dib ugala soo noqdeenSomaliya ee Xuska 18-ka May.

Waxaana dhamaanba ay shacbi waynaha ku dhaqan gudaha Somaliland ay isagu soo baxeen goobaha loo asteeyey in ay ku xusaan maalintan aadka u qaaliga ah iyada oo ay kala qayb galeen madaxda dalka ugu saraysa iyo sida oo kale marti ka socotay dalal badan oo aduunka.

 

Guud ahaanba Shacbiga reer Somaliland ayaa iyaga oo ku jeeni qaaran,kuna labisan Calanka astaanta u ah qaranka Somaliland,waxaa ay saaka aroornimadii hore ay isagu soo baxeen wadooyinka halbowlaha u ah Magaalooyinka,Dagmoooyinka iyo tuuooyinka Somaliland.

Magaalo madaxda Caasimada Hargeysa oo iyana ka mid ahayd meelaha maanta sida aadka ah looga xusay Xuska 18-May ayaa waxaa si balaadhan saaka looga dareemayey shacbiga ku dhaqan Caasimada Somaliland dareen wadaniyadee oo ay muujinaayeen oo ay ku taageerayeen qadiyada Gooni isu taag Somaliland,waxaana halkaasi saaka dabaal daga balaadhan kala qayb qaatay Madaxweynaha Jamhuuriyada Somalind Md:Axmed Maxamed Maxamuud (Siilaanyo) oo ku sugnaa goob loo asteeyey in ku qaato salaan sharaf oo ay Ciidamada Qaranka Somaliland,Urarada Bulshada,Ardayda Wax ka barata Jaamacadaha iyo iskuulada,Haayadaha Dawladu ay dhamaantoodba ay Salaan Sharaf ay halkaasi ku siinaayeen Madaxweynaha Jamhuuriyada Somaliland.

Madaxweynaha Jamhuuriyada Somaliland Md:Axmed Maxamed Maxamuud (Siilaanyo) oo khudbad halkaasi ka jeediyey ayaa waxaa uu sheegay in ay Somaliland ka go’an tahay in ay ilaashadaan qadiyada Gooni isutaaga Somaliland,Shacbiga uu madaxda u yahayna aanay marnaba dib ugu biiri doonin Somaliya.

Wajaale News
Hargaysa Office
Email:wajalenews@gmail.com
Reporter:Abdiqadir Abdirahman Habane