Arabsiyo -(Wajaalenews)- Dooxa Magaalada Arabsiyo Oo Ah Doox Aan Lahayn Wax Biriish Ah Oo Ay Kaga Talaabaan Gawaadhida Iyo Dad’ku Marka Roobku Da’ayo Isla Mar waxa xidhma  Isku Socodka Gaadiidka U Kala Goosha Gobolada Galbeedka Somaliland Iyo Caasimada Somaliland Ee Hargaysa Ayaa Ay Badiba Gaadiidlaydu Cabshooyin Badan Ka Muujiyeen in si uun wadadan loo marikaro in Ay Xukuumadu samay Kagana Codsanayaan Inay Si Dag-Deg Ah Wax Uga Qabato Dooxaasi . Dooxa Magaalada Arabsiyo Ayaa Wakhti Roobaadka  Caqabad Ku Noqda Isku Socodka Gaadiidka Iyo Dadwaynaha Oo Kala Xidhma .

Sida Ay Shabakada Wararka Wajaalenews Uu U Xaqiijiyay Mid Ka Mida Dadwaynaha Reer Arabsiyo Ayaa Caawa Abaaro 07:00 Fiidnimo Roob Ka Da’ayay Koonfurta Magaalada Arabsiyo Oo Sababay Inuu Soo Rogmado Dooxa Wayn Ee Magaalada Arabsiyo Uu Qaaday Laba Gaadhi  Oo Noocyadoodu Kala Ahaayeen Seeraf  Iyo Vits (TUKHAAN) Oo Si Is Moogaana U Dhex Socday Dooxa Oo Uu La Kulmay Daadku .

Sida Wararka Na Soo Gaadhayaa Sheegayaan Dadkii Watay Ama La Socday Labadaas Gaadhi Ayaan La Garanayn In Ay Ka Badbaadeen Biyahaasi Dooxa Maadaama Oo Dadkii U Gurmaday Ay Gawaadhida Ka Dhex Waayeen Cidii Saarnayd Gawaadhida . Sidoo Kale  Waxaa Biyaha Laga Dhex Helay Hal Mayd Oo Uu Daadku Ka Soo Qaaday Dhinaca Koonfurta Magaalada Arabsiyo Oo Magaciisa Lagu  Sheegay Marxuum Khadar Cabdi Cali , Waxaa Kale Oo La Sheegayaa In Ay Jiraan Dhawr neef oo Geela Oo Uu Iyagana Daadku Ka Soo Qaaday Dhinaca Koonfureed Ee Magaalada Arabsiyo .

Dhanka Kale Maamulka Dawlada Hoose Ee Degmada Gabiley Ayaa Iyaguna Gaadhay Dooxa Magaalada Arabsiyo Si Ay Gurmad Deg-Dega Uga Galaan Dhibaatadaasi .

WAJAALENEWS DESK

GABILEY OFFICE

EMAIL;WAJALENEWS@GMAIL.COM