muddo kooban kadib ayaa meesha waxa ka dhacay oo soo muuqday sawir aanu filanayn

Maalin maalmaha ka mid ah anigoo dhex mushaaxaya Aalada internetka  ee ay maanta uumiyuhu wax isku waydaarsadaan,ayaan isha la helay sheeko  gaaban se mugwayn leh, runtiina I soo jiidatay.  waxa ciwaan looga dhigay ‘’Dhacdadii faransiiska Gilgishay’’ af-carbeed ayay ku qornayd, kadibna waxan qalinka u qaatay bal inaan sida ugu fudud luuqadeena ugu turjumo.

Waxay ahayd 1930 xili uu faransiisku ka abaabulayay xaflado waawayn wadanka Jasaa’ir kuwaas oo uu ugu dabaal dagayo 100-guuradii ka soo wareegtay goortii uu xoog ku qabsaday wadanka jasaa’ir.

Isagoo walaalihiisa reer galbeedka u sheegay inay xafladani tahay Geeridii Islaamka, iyo inay reer jasaa’ir noqdeen qaar  Is dhiibay

isla markaana ogolaaday oo u dabacsan  isku milanka labada umadood,waa ta la haysto oo jasaa’ir ah iyo ta wax haysata oo faransiiska ahe.

Hadaba si uu arintaas cadaymo la taaban karo  ugu helo  ayuu soo ururiyay hablo Jasaa’iriyiin ah, oo uu ka hawl galay siduu dhaqankiisa ugu kalifi lahaa inay qaataan  kadibna uu madasha ku soo bandhigo oo loo arko,wuxuu sheegayay inay dhab yihiin.wuxuuna arintaa u wakiishay nin diinta masiixiga ku xeel dheeraa oo la odhan jiray Lakoosti.

Xaflada waxa lagu marti qaaday wakiilo ka socda guumaystayaasha kale ee reer yurub ee  haysta dhulalka carabta,si ay u qaataan aragtida faransiiska ee ku wajahan Jasaa’irtan cusub ee uu sameeyay faransiisku ,oo ay ugu  dabaqaan goobaha ay haysteen ee islaamka ah . Masrax wayn  oo aad loo  abaabulay ayaa dadkii la iskugu soo ururiyay iyadoo la dhawrayo waxa meesha ka dhici doona. muddo kooban kadib ayaa meesha waxa ka dhacay oo soo muuqday sawir aanu filanayn oo ah dumarku ugu talo-galay iyagoo faransiis la moodo inay soo baxaan,ayaa iyagoo Xijaaban una labisan dharkii muslimiinta meesha soo maray!!.

Arintaasi oo buuq iyo sawaxan ka dhalisay warbaahinta faransiiska iyo dawladihii kale iyagoo is waydiinaya mudada halkaa qarni ahayd  wuxuu qabanayay faransiisku mar haday wali dadkii rer Jazaa’ir diintoodii haystaan?

Hadaba lakoost markii su’aashaas la waydiiyay ayuu ku jawaabay weedhiisii caanka noqotay ee ahayd

‘’ Maxaan sameeyaa haduu Qur’aanku ka awood badanyahay  Faransiiska’’ !!