Alagarno(Wajaale News):- Ugu yaraan sodon qof ayaa ku dhintay, tobanaan kalana waxa soo gaadhay dhaawacyo, ka dib markii laba qarax oo is miidaamin ah, lagu qaaday tuulo ku taala waqooyiga bari e dalka Nigeria, kuwaas oo lagu tuhunsan yahay inay ka danbaysay kooxda islaamiyiinta dalkaas ee Boko Haram lagu magacaabo.

Qaraxyadan oo ka dhacay ama lala beegsaday meel suuq ah ayaa ku soo beegmaya, wakhti magaalo aad ugu dhow tuuladaas in ka badan boqol qof ku naf waayeen weeraro sidan oo kale loo adeegsaday, waxyaabaha qarxa, sida wararku tilmaamayaana waxa gacanta dawlada Nigeria ka sii baxaya degaamo badan oo kooxda Boko Haram ku awoodaysanayo.

Afduub, qarax iyo argagax ayaa si wayn u hadheeyay dadka reer Nigeria waxaana muuqata in

xukuumada dalkaasi tahli kari wayday inay sugto ammaanka shacabkeeda, waxa kaliya ee ay wakhtigan qaban kartaana waa canbaarayn iyo tirada rasmiga ah ee khasaaraha weerarada kooxdaas oo ay cadayso.

Wajaale News
Hargaysa Office
Email:habane00@gmail.com
Wariye:Abdiqadir Abdirahman Habane