Boorama-(WJN)-Allaha u naxariistee waxaa shalay galab ku geeriyooday roob xoogan oo ka dagay koonfur galbeeb magaalada Boorama Marxuum C/laahi Maxamed Cali “Hami” oo sida la sheegay ku sii socday gurigiisa waxaana xiligaas la socday hooyadii iyo gabdho ay walaalo ahaayeen waxaana xidhay sida uu noo sheegay mid ka mid ah dadkii ka agdhaw doox wayn oo xiligaas soo rogmaday.

Marxuumkan dhintay ayaa isku dayay in uu ka talaabo dooxa waxaase isla markiiba qaaday dooxa oo ahaa mid xoogan raadco ka dib waxaa ugu danbayn madkiisii laga helay doox ku yaala galbeedka Magaalada Boorama oo la yidhaahdo Cayno-qabad.

Si kastaba ha ahaatee roobabkan guga oo dhawaan uun ka curtay Somaliland iyo gaar ahaan Gobolka Awdal ayaa noqonaya khasaarihii ugu horeeyay ee ay keenaan Sannad Roobeedkan 2014.

wajaalenews.net

hargeisa/office