Nairobi(WJN)Ugu yaraan afar qof oo labo kamid ah ay ahaayeen boolis ayaa la xaqiijiyey in ay ku dhinteen qaraxa.
Wararka ayaa sheegaaya in gaariga markii hore ay joojiyeen askar boolis isla markaana ay baaritaano ku wadeen markii uu ku qarxay afaafka hore ee saldhiga Booliska, waxaana sidaas xaqiijisay Wasaaradda arrimaha gudaha ee Kenya.
Ma jirto ilaa iyo hadda cid si rasmi ah u sheegatay masuuliyadda qaraxan, balse Dowladda Kenya ayaa inta badan ku eedeysa Ururka xagjirka ee al-Shabaab.
Wuxuu kusoo beegmaya xilli todobaadyadii lasoo dhaafay howlgal balaaran ay Ciidamada Kenya ku qaadeen xaafadda Islii oo ay ka qab qabteen boqolaal qof oo Soomaali.
Qaraxan ayaa walaac ku abuuray Soomaalida weli degan Islii, iyadoo Ciidamada booliska la sheegay in ay Caawa howlgalo wadaan.

Wajaalenews.net
Hargeisa/office