Hargeisa(WJN)Warsaxaafadeed Kasoo Baxay Madaxtooyada Somaliland Kuna Saxeexanyahay Afhayeenka Madaxtooyda Axmed Saleebaan Dhuxul Ayaa Madaxweyne Siilaaanyo Ku Magacaabay Lataliyaha Madaxweynaha Ee Arimaha Hay’adaha Caalamiga Ah Iyo Kuwa Maxaliga Ah,Warsaxaafadeedkan Ayaa U Dhiganaa Sidan:

Madaxweynaha Jamhuuriyadda Somaliland Mudane Axmed Maxamed Silaanyo, waxa uu Digreeto Madaxweyne oo sumadeedu tahay, JSL/M/XERM/249-2414/042014 ku magacaabay La-Taliyaha Madaxweynaha ee Arrimaha Hay’adaha Caalamiga iyo Kuwa Maxaliga ah.

Madaxweynuhu:-

Markuu Arkay: Qodobka 90aad, Faqradiisa 3aad ee Dastuurka Jamhuuriyadda Somaliland;

Markuu Tixgeliyey: Ahmiyadda La-Taliyaha Madaxweynaha ee Arrimaha Hay’adaha Caalamiga iyo Kuwa Maxaliga ah;

Markuu Arkay: In baahi loo qabo magacaabidda jagadan;

Markuu Ka Fiirsaday: Kartidiisa, aqoontiisa iyo hufnaantiisa shaqo;

Markuu Ku-qancay: In uu hanan karo xilkan loo magacaabay;

Wuxuu go’aansaday

In Mudane, Cabdifataax Siciid Axmed Guuleed, laga bilaabo taariikhda maanta uu ahaado La-Taliyaha Madaxweynaha ee Arrimaha Hay’adaha Caalamiga iyo Kuwa Maxaliga ah.

ALLAA MAHAD LEH
Axmed Saleebaan Maxamed (Dhuxul)

Wajaalenews.net

hargeisa/office