Nairobi(Wajaalenews.Net)Hooyo Seynab Bulxan Oo Ka Mid Ahayd Soomaalidii Laga Soo Qab Qabtay Xaafada Islii Ee Magaalada Nairobi, Ayna Sida Xun U Jirdileen Ciidanka Kenya, Ayaa Waxay Maanta Ugu Geeriyootay Garoonka Diyaaradaha Ee Nairobi.

Hooyadaan Soomaaliyeed, Ayaa Sida Uu Ahaa Qorshaha Kenya Ay Dooneysay, In Ay Ku Celiso Somaliya, Xilli Ay Xaalad Adag Oo Xagga Caafimaadka Ah Ay Ku Sugneyd, Balse Ay Ku Geeriyootay Garoonka Nairobi, Kahor Intii Aynaan Diyaarada Soomaalida Lagu Celiyay Muqdisho, Ka Soo Qaadin Garoonkaasi.

Meydka Hooyo Seynab Bulxan Waxaa Gelinkii Dambe Ee Maanta Loo Qaaday Isbitaalka Qaranka Ee Kenyatta, Halkaasoo Uu Caawa Meydkeeda Ku Yaalo.

Qaar Ka Mid Ah Soomaalidii Maanta Laga Soo Celiyay Magaalada Nairobi, Ayaa Waxay Walaac Xoog Leh Ka Muujiyeen Sida Foosha Xun Leh, Ee Ay U Geeriyootay Hooyadaasi Somaliyeed.

Shacabka Laga Soo Celiyay Magaalada Muqdisho, Ayaa Waxay Dowladda Iyo Ciidamada Kenya Ay Ku Eedeeyeen, In Ay Si Xun Ula Dhaqmeen.

Majirto Jawaab Ku Aadan Qaabka Ay U Dhimatay Hooyadaasi Soomaaliyeed, Oo Ka Soo Baxay Dowladda Federalka Ee Soomaaliya.

Wajaalnews.Net

Hargeisa/Office