BURCO(Wajaalenews);Hadii uu madaxweynaha u suurto geli waydo in uu meel fagaare ah kala hadlo dadka ku dhaqan Magaaladda Burco, 

Burco (WJN) – Madaxweynaha Jamhuuriyadda Somaliland Axmed Maxamed Maxamuud (Siilaanyo) ayaa goor dhaweyd soo gaadhay Magaaladda Burco ee Xarunta Gobolka Togdheer.madaxwaynaha oo safar dheer kadib caawa soo gaahdya magaalada burco ayaa waxaa si diiran u soo dhaweeyay maamulka magaalada toghdeer oo uu hor kacayo badhsaabka gobolkaa maxamed muuse diiriye iyo dadwayne kale waxaana lafilayaa inuu maalinta bari ah uu ka qayb galidoono xaflad qalinjabina oo ah jaamacada burco, xadhigana ka jaridoono mashaariic badan oo kasocday gobolkaa;

Madaxweynaha oo ay wehelinayeen xubno ka tirsan Golihiisa Wasiirada iyo masuuliyiin kale ayaa waxa si weyn ugu soo dhaweeyay Magaaladda Burco Masuuliyiinta Gobolkaasi iyo waliba dadweyne aad u tiro badan.

Madaxweynaha ayaa la filayaa in uu meel fagaare ah kala hadlo dadweynaha reer burco, kuwaas oo uu kala hadli doono sidii ay dalka dhinacooda wax uga qaban lahaayeen isla markaana horumarkiisa uga shaqayn lahaayeen, xukuumada uu gadh-wadeenka yahayna ay diyaar ugu tahay in ay wax la qabato.

Hadii uu madaxweynaha u suurto geli waydo in uu meel fagaare ah kala hadlo dadka ku dhaqan Magaaladda Burco, waxa loo badinayaa in ay furan tahay dariiq kale, taas oo ah in wakhtiga uu ku sugan yahay Magaaladda uu kulamo kala duwan la yeesho waxgaradka beelaha wada dega Magaaladda Burco,  kuwaas oo uu kala hadli doono sidii ay xukuumada uu gadh wadeenka ka yahay wax ula qabsan lahaayeen.–