WAJAALENEWS Madaxweynaha Puntland C/weli Gaas ayaa la sheegayaa in uu bilaabay dhaqdhaqaaq uu ku doonayo in uu maalmaha fooda inagu soo haya ku yimaado Badhan, iyadoo magaaladda laga dareemayo abaabulkiisa. ayaa soo sheegaya in Madaxweyne Gaaska Puntland isu diyaarinayo in uu ka soo qayb galo dhagax dhiga Jaamacad Maamulkiisu ka hirgalinayo Badhan, isla markaana uu dhagax dhigi doono Jid uu balanqaaday gobolkaasi in uu ka hirgelin doono.
Wariyuhu waxa uu ku soo waramayaa in Taliyaha Ciidanka Puntland ee Gobolkaas u joogaa gaadiid Tikniko ah kala yimi dhinaca Garoowe, kuwaas oo uu u keenay magaaladda difaaca Madaxweyne Gaas iyo weftigiisa.
C/weli Gaas ayaa ololihiisii madaxtinimada yimi Badhan isagoo ku galay Ololaha in uu Goboladaasi ka xorayn doono Somaliland, haddii ay suurtogasho in uu yimaadana waxay noqonaysaa mid ka mid ah riyooyinkiisii oo u rumoobay.
Dhinaca kale, Madaxweyne ku-xigeenkiisa oo la filayey in uu yimaado Gobolka Buuhoodle ayaa ka caagay kadib markii heegan sare la geliyey Ciidanka Somaliland.

WAJAALENEWS DESK