WAJAALENEWS ;Ciidan beeleedyo ka soo jeeda deegaamada Qorulugud iyo Buuhoodle ayaa maalintii sadexaad isku hor fadhiya deegaanka Maskax-buqle ee Kalshaale, kadib markii Koox hubaysani oo ka soo jeeda Maleeshiyo dhinaca Buuhoodle laga soo abaabulay ay dhimasho iyo dhaawac u gaysatay laba nin oo Reer Qorulugud ah.

Ma jiro illaa hada dagaal ka qarxay deegaankaas hase yeeshee Dilkii lagula kacay labada nin ee Geel-jaraha ahaa ayaa keentay in ay isku hub urursadaan, waxaana laga cabsi qabaa in dagaal ka qarxo maadaama illaa hadda labada dhinac wax xal ah aanay ka gaadhin dhibtii dhacday.

Ma jirto cid kala dhex gashay labada beelood ee deegaanka wada dega, maadaama uu hore u dhex maray  labada beelood dagaal faraha lagaga gubtay, hase yeeshee haddii aan dhakhso wax looga qaban waxa iman kara in xaaladdu durugto oo khasaare intaas ka balaadhani dhaco.

WAJAALENEWS DESK

EMAIL;wajalenews@gmail.com