Gabiley (Wajaale)- G/xigeenka Wasaarada Waxbarashada ee gobalka gabiley Mr. Max’ed Adan Daauud oo  kormeer shaqo  ku tagay qaar kamida dugsiyada deegaanada bariga ee Gobolka Gabiley sida  Harcadad, Diini-goobale , Geedabeera iyo  Kaambarwaaqo.

waxaana kormeerkaasi ku wehelinaayay xubno ka tirsan Hay’ada la yidhaahdo SAFE FOR EDUCATION, waxaanu  G/ xigeenku sheegay in safarkiisan ugu kuur galayay xaaladaha waxbarashada ee Iskuuladaasi iyo sidii ay usii dardar galin lahaayeen una kobcin lahaayeen waxbarashada dugsiyadaasi isaga kulamo shirar laqaatay macalimiinta  iyo guddiyada waalidiinta ee Dugsiyadaasi.

Waxaanu G/xigeenku sharaxaad ka bixiyay faa’iidada ay aqoontu u leedahay bani aadamka  iyo sida loogu baahan yahay in ay waalidiintu kula dadaalaan carruurtooda waxbarashada isaga oo G/xigeenku xusay ilmaha waxbartaa uu anficidoono waalidkiisa if iyo aakhiraba.

Gabogabadii waxa uu g/xigeenku xusay in ay Wasaarada Waxbarashadu markasta ay heegan u tahay  horumarinta iyo tayaynta waxbarashada isla markaana uu hadafka Wasaarda waxbarashadau yahay sidii uu ilmo kaasta oo reer S/land ahi u helilaa waxbarsho dhamays tiran, waxaanu kusoo afmeeray hadalkiisa in wixii baahiyo ah ee jirana uu gaadhsiindoono Wasaarda Waxbarashada iyo Tacliinta sare.

Wajaale News

Hargaysa Office

email;wajalenews@gmail.com