HARGEISA(Wajaalenews)  Xaflad balaadhan oo habeenkii xalay ahaa lagu qabtay magaalada hargeisa  Gaar ahaan xarunta Hay’adda waddoonka Somaliland ee magaalada Hargeysa.

Xafladan oo Lagu Soo Bandhigay Xaddiga Lacagta Qaadhaanka Waddada Ceerigaabo loo hayo laguna dhaqaajin doono wejiga koowaad ee wadada Ceerigaabo iyo Burco isku xidha.

Waxaa halkaasi isugu yimid Masuuliyiin xukuumadda ka socda iyo boqolaal Marti sharaf ah, oo ka soo qayb galay munaasibadan oo ahayd mid jawiga iyo bilicda ka muuqatay ahayd uun mid waxqabad iyo horumarineed

Ugu horayn waxaa goobta ka hadlay maareeyaha wakaaladda horumarinta waddoyinka Proff Xassan Cali Cismaan oo sharxay halka ay marinayaan hawl galka waddooyinka kala duwan ee dalka ka socoda isagoo ku tilmaamay in dhamaantoon si guul ah qaarna ku gabogaboobeen qaarna meel fiican marinayaan isagoo hoosta ka xariiqay in si siman looga wada hawl geli doono waddooyinka kala duwan ee dalka

Dhanka kale waxaa goobta hadalo guubaabo iyo dhiirigelin ah ka jeediyey gudiyada kala duwan ee waddooyinka dalka ka socda iyagoo dhamaantood xukuumada uuga mahadceliyey gacanta buuxda ee ay xukuumadu marwalba la barbar istaagto hawlaha ay ku jiraan.

Munaasabadan oo u daarnayd xogwaranka waddooyinka dalka oo dhan iyo gaar ahaan bandhiga qalab iyo qarash wixii soo gaadhay gudida qaadhaan ururinta waddada isku xidhi doonta Togdheer – Sanaag. Ayaa lagu soo bandhigay qoraalo “Presentations” lagu soo bandhigayo goortii la dhagax dhigay jidka Ceerigaabo iyo talaabooyinkii kala duwanaa ee ay soo martay

Waxaa si hufan loo soo bandhigay talaabooyinkii kala duwaanaa ee xukuumadu u qaaday hirgalinta jidkan iyadoo loo kala saaray 3 talaabo.

1-     Xukuumada oo balan qaaday in ay gacan ka gaysato jidkan , taasoo si cad looga arki karo afarta milyan ee ay miisaniyada ay  uugu dartay

2-     Qalab loogu talo galay hirgalinta jidkan oo loo soo iibshay , kuwaasoo si cad uuga muuqday goobtii xafladu ka dhacaysay

3-     Qaadhaan loo bandhigay in ay ka qayb qaataan bulshada qaybaheeda kala duwan , kuwaasoo account-s cad lagu xafido , iyadoo mid walba la soo bandhigay intii soo gaadhay iyo nidaamka cad ee loo dajiyey ilaalinteeda

Ugu dambayntii wasiirka Madaxtooyada Somaliland isla markaana ah gudoomiyaha gudida qaadhaan ururinta Mudan Xirsi Cali Xaaji Xasan oo goobta ka hadlay ayaa bulshada u iftiimiyey sida ay xukuumada uuga go’an tahay in ay marwalba isbarbar taagto cid walba oo wax qabsanaysa isagoo sheegay in ay marwalba caawintooda ku salayn doonaan  hadba diyaargarowga ka muuqda bulshada wax qabasanaysa

Wuxuuna bulshada uugu bushaareeyey  in qalab, qarash, iyo qaadhaan wixii soo gaadhay ay xafidan yihiin isla markaana lagu fulin doono hawshii loogu talo galay

Isku soo wada duubo xafladan ayaa ku dhamaatay jawi kalsooni iyo farxad badan ka muuqato

HARGEISA OFFICE

WAJAALENEWS DESK

EMAIL;wajalenews@gmail.com