|
|||||
WAJAALE NEWS
Dagaal Ayaa Ka Billawday Dalka South Sudan Toddobaayo Kaddib Markii Ay Labada Dhinac Saxiixeen Heshiis Xabadjoojin Ah.
February 18, 2014 - Written by Wariye:
Dagaalkan ayaa ah kan ugu culus ee ka dhaca dalkaas tan iyo markii heshiiska xabadjoojinta la gaaray. Afhayeen u hadlay militeriga dalkaas ayaa sheegay in fallaagada ay weerar culus ku soo qaadeen magaalada Malakal, oo caasimad u ah gobolka saliidda laga soo saara ee Upper Nile. Afhayeenka militeriga Philib Aguer ayaa sheegay in militeriga iyo fallaagada ay ku dagaallamayaan inta badan magaalada. Wakiilka Qaramada Midoobay ee Juba Toby Lanzer ayaa dhinacyada ugu baaqday inay badbaadiyaan dadka rayidka ah. Dagaalkan ayaa dhaliyay cabsi laga qabo xaaladda goobaha saliidda laga soo saara ee dalkaas.Saliidda ayaa laf dhabar u ah dhaqaalaha dalka South Sudan. Madaxweyne kuxigeenkii hore ee dalkaas Riek Machar ayaa madax u ah fallaagada ka dagaallamaysa dalkaas. Waxaa uu ka baxsaday magaalada Juba kaddib markii lagu eedeeyay inuu hoggaamiyay afgembi ka dhacay dalkaas. Machar waa uu ku gacansayray arrintaas, waxaana uu ku eedeeyay madaxweyne Salva Kiir Mayardit inuu doonaya inuu baabi’iyo mucaaradkiisa. Wajaale News Related posts:Wasiirka Arrimaha Dibadda Oo Ka Hadlay Walaac La Sheegay In Caalamku Ka Qabo In Mar Kale Dib U Dhac ... Haayada Qaxoontiga Iyo Barakacayaasha Oo Deeq Dhar ah Uqaybisay Bulshada Ku Dhaqan Deegaanada Caada ... War Deg Deg Ah Hogaamiyahii Kooxda Taalibaan Ee Wadanka Afghanistan Oo Ciidamada Maraykanku Duqaymo ... COMMENTS
|
LINKS
|
||||
|