HARGEISA WAJAALENEWS Xisbiga UCID ayaa munaasibad soo dhawayn ah  u qabtay taageerayaal iyo siyaasiyiin ka soo diga-rogtay xisbi-xaakimka kulmiye iyo weliba masuuliyiin ka tirsanaa Ururkii siyaasada Dalsan iyo Umadda ee ku hadhay doorashooyinkii Golayaasha degaanka.

Xafladan oo ka dhacday Hotel Ambasasor ee magalada Hargeysa ayaa waxa ka soo xaadiray siyaasiyiin miisaan culus ku leh saaxada siyaasada Somaliland gaar ahaan dhinaca muradida siyaasada madaxwayne Silanyo,Sida Eng. Maxamed Xaashi,Ibraahim Dhegawayne,Gudoomiye ku xigeenkii hore ee Kulmiye Cabdiraxman Cabdiqadir iyo xubno kale oo aad u tiro badan.

Waxa halkaasi hadalo kala duwan oo soo dhawayn ah uga jeediyey  masuuliyiinta ugu sareeyay ee xisbiga Cadaalada iyo Daryeelka ee UCID,sida Gudoomiyaha Xisbiga Faysal Cali Warabe iyo Jamaal Cali Xuseen Murashaxa Jagada Madaxwayne ee xisbiga.

WAJAALENEWS DESK

HARGEISA OFFICE

EMAIL;wajalenews@gmail.com