Wasiirka Duulista Hawada Somaliland oo Jeelka ku guray Raxan Taksiilayaal Reer Hargeysa ah iyo mudaharaad abaabulkiisu la wadwado!.

Hargeisa-(Wajaale-news)-Ku dhawaad 10 ka mid ah Tagsiilayaasha u adeega ama u khidmeeya dadka safarada ah ee ka soo dega ama ka dhoofa Madaarka Hargeysa ayaa la xidh-xidhay goor dhaweyd

Xadhiga kooxdan Tagsiilayaasha ah ayaa la sheegay inuu amray wasiirka duulista hawada Somaliland Maxamuud xaashi Cabdi .

Sida xoggaha Wajaalenews heshay sheegayaan wasiirka Duulista ayaa dhawaan kooto ugu xidhay adeegyada Madaarka shirkad kuwa ka ganacsada adeegyada Tagaasida ah ,Hase yeeshee Tagaasileydii  hore uga shaqeysan jirtay halkaas ayaa ka biyo diiday Kootadaa,mudaharaad silmi ahna ka oogay agagaarka Madaarka arintaa oo si weyn u cadho gelisay wasiirka duulista.

Isku soo wada duuboo ma cada talaabada tan ku xigta ee wasiirka iyo Tagsileeyda midba dhankiisa qaadi doono,Hase yeeshee waxaa suuqyada Hargeysa yaala tibaaxo sheegaaya in Tagsiileydu abaabulayaan mudaharaad ka dhan ah wasiirka wasaarada duulista.

WAJAALE NEWS DESK

HARGEISA OFFICE