Hargeysa (Wajaale News) – Madaxweynaha Somaliland Md. Axmed Maxamed Siilaanyo, ayaa xalay magacaabay sagaal xubnood oo lagu sheegay inay yihiin guddi turxaan bixin doonta khilaafka ka dhex taagan xisbiga KULMIYE. Waxaanu sidoo kale madaxweynuhu dib u riixay shirweynihii xisbiga KULMIYE ee mudaysnaa 21 January.
Inkastoo aanu Madaxweynuhu si rasmi ah u baahinin magacyada xubnah haddana ilo xogogaala ayaa Hadhwanaagnews u sheegay in warqadda uu madaxweynuhu guddigan ku magacaabay ogaysiin ahaan laba nuqul loo kala diray madaxweyne xigeenka iyo hoggaanka xisbiga, waxaanay ka koobanyihiin wasiiro, xildhibaano iyo masuuliyiin kale. Madaxweynaha ayaa guddiga faray inay soo turxaan bixiyaan khilaafka ka dhex jira xisbiga KULMIYE oo muddooyinkii u dambeeyay u kala jabay laba garab. Madaxweynuhu waxa kale oo uu shirweynaha xisbiga u mudeeyay 22 March, halkii uu ka ahaa 21 January ee sannadkan.

Guddigan oo tiradooda tahay 9 xubnooda waxay kala yihiin:

1. Wasiirka arrimaha dibadda Maxamed Biixi Yoonis guddoomiye

2. Wasiirka gaashaandhiga Axmed Xaaji Cali Cadami gudodomiye xigeen

3. Xildhibaan Cali Mareexaan Xoghaye

4. Wasiirka diinta iyo awqaafta Sheekh Khaliil Cabdillaahi Axmed

5. Wasiirka waxbarashada Samsam Cabdi Aden

6. Guddoomiyaha Hay?adda abaabul ka saarka qaranka Jamaal Caydiid Ibrahim

7. Xildhibaan Maxamuud Axmed Obsiiye

8. Xildhibaan Abiibakar Good

9. Wasiirka duulista iyo hawada Maxamuud Xaashi Cabdi

Hargaysa Office
Wajaale News
Email:habane00@gmail.com
Reporter:Abdiqadir Abdirahman Habane