Australia(Wajaale News):-Gobolada Koonfureed ee dalka Australia ayaa lagu soo waramaya in ay haatan ka jiraan xaalado adag iyadoo ay soconayaan Dab xoogaan oo dhowr cisho kahor ka dhex kacay Hawdka dalkaasi Australia.

Dabkaan ayaa la sheegaya in ay ku barakaceen kumanaan Qoys oo iyagu degaan ku ahaa Goobaha ay ka qarxeen dabka walow ay jiraan khasaare baahsan oo soo gaaray Hooyga ay daganaayeen dadka barakacay.

Dowladda dalkaasi Australia ayaa waxa ay wadaan qorshooyin ay kula tacalayaan daminta dabka baahsan ee ka soconaya hawdka dalka Australia inkastoo ay jiraan digniino kasoo baxay dhan dowladda kuwaasi oo ku aadan qatarta laga filan karo mudooyinka soo socda in dabkaasi uu kusii baaho Gobolada Waqooyi.

Inta la ogyahay 55 ruux ayaa waxa ay kasoo gaareen dhaawacyo fudfud kadib markii ay kusoo kor dumeen saqafka hooyga ay ka daganaayeen magaalooyinka Gobolada Koonfureed ee uu dabka ka soconayaan dhaawacyada 55 kaasi ruux ayaa waxa la dhigay Isbitaalada dalkaasi Australia.

Hargaysa Office
Wajaale News
Email:habane00@gmail.com
Reporter:Abdiqadir Abdirahman Habane