hargeisa (WAJAALENEWS)anigu na waxaa leeyahay taas macnaheedu waa in aan dimuqraadiyadi dalka ka jirin lama na aqbali karo.

Rag is gurayee. Hashii geela cuntoo cabaadaysa miyaa?. Masuuliyiinta Wargeyska HUBAAL aad iyo aad bay u dul qaateen.

Saw maaha kuwii la shirqoolay ee dilka lala beegsaday misna iyagii la xidhay hadana.

Saw maaha kuwa ilaa iyo hadda Madaxwayne Silanyo uga fadhiya keliya inay cadaalad helaan ee aakhirkii la yidhi cadaalad la idiin heli maayo eh maxaa kale?.

Waa ta ka taagan isku daygii dilka Xildhibaan Qabille oo isna xaalkiisu yahay ku kaajaan nin u aqaan ee laga soo maagay halkuu kiiskiisu galay ee ilaa iyo hadda wax kale daayoo wasiir ku xigeenkii loo adeegsaday lagu dhici la´ yahay in xilka laga qaado oo sharciga la hor keeno. Xildhibaan DHIBANE QABILLE waa xildhibaanka keliya ee xildhibaanadii UCID kaga soo hadhay xisbigii uu ka soo baxay ee UCID.

Waxan dhacaya oo dhami waxay marag cad u yihiin dagaalka qaawan ee madaxtooyada madaxwayne Silanyo oo ay ka go´an tahay inay burburso mucaaridkeeda iyo saxaafadda madaxa banaan ee xorta ah oo ay u aragto inay yihiin cadawgeeda keliya, anigu na waxaa leeyahay taas macnaheedu waa in aan dimuqraadiyadi dalka ka jirin lama na aqbali karo. Waayo hadii aan mucaarid jirin dimuqraadiyadi jiri mayso.

HADABA JANANADA BILAYSKU MIYAANAY AHAYN HASHII GEELA CUNAYSAY EE HADA NA CABAADAYSAY