Doorashii Golaha sharci dajinta Somaliland ee dalka ka dhacday 29 september,2005 may ahayn mid la mahadiyey manay noqon mid dalka ku soo kordhisay wixii filaanshuhu ahaa ee shacabku ka naawilaayey waayo karaamadii iyo sharaftii miisaankii iyo maamuuskii uu ninka Xildhibaankii uu shacabkiisa ku dhex lahaa way luntay waxaana lumiyey:

1. Musharixiinta oo markoodii horaba reer ku yimid meesha
2. Markay yimaadeena ay fahmi waayeen wixii loo soo doortay ka dibna jaha wareeg ku dhacay
3. Iyagoo noqday dhandhamo raac iyo dhuuni qaatayaal maalinba halkii dhaameelka looga lulo ukala dheereeya kana fikira mooshinkaa wax ma inoogu jiraan iyo Xisbi hebel tolow ma ku biirnaa?
4. Iyagoo inta badan quudaraynaya xukuumada hada jirta oo  ka fikiraya bal in Wasiir laga dhigo iyo inkale halkii ay iyagu ka hagi lahaayeen ee ay ka toosin lahaayeen inlayn umada ayey wakiil ka yihiine

Waxa nasiib daro ah in Golihii loo hanweynaa ee Bulshada Somaliland sida weyn ugu hagarbaxday eey codkooda, cududooda iyo caqligoodaba iskugu geeyeen bal in la helo wax shacbiga wakiil ka noqda oo shacbiga iyo xukuumada udhexeeya inay si toosa ugu dhex milmeen xukuumadii shacbigiina ilaaween oo aanu jirin xildhibaan meeshii laga soo doortay maalina aan soo bariidin wax yar mooyaane oo ay leeyihiin walee dib la iima soo doorto.

Waxa wax laga yaabo ah in galdalooladoodii buuxdhaafeen oo wax ay ku wanaagsanyihiinba aan la garanayn taasi waxay

sababtay in lagu dhawaaqo Golaha wada tashiga iyo toosinta qaranka oo ka helay fakaag iyo firaaqo Golaha wakiilada waayo maanta in gole lagu dhawaaqo inagoo Gole sharciya cod dadwayne kusoo dooranay waliba la yidhaa waa Golaha Toosinta waxaan filayaa waxa keentay masuuliyad daro ka timid golihii aynu soo dooranay iyo shaqadoodii oo ay gabeen garana waayeen waxaana muuqata in Odayaasha Golahan ku dhawaaqay aanay layaabatiin lahayn waayo waa odayaal dalka iyo dadkaba udamqanaya

waxaan kusoo koobayaa fikirkaykan kooban

1. In Goluhu dib iskugu noqdo oo dib isku canaanto
2. In ay ka fikiraan umadooda oo aanay ka fikirin nafahooda
3. In ay matalaan umadii soo doortay oo aanay matalin hadba wixii iyaga dani ugu jirto
4. In shacabku intaa wixii ka danbeeya ay ka fikiraan ciday xil udhiibanayaan waayo qofku wuxuu ka fiirsan karaa wax marka uu fursado soo marto ee aan lagu dooran qabiil iyo qudhun

Waayo horaa loo yidhi dugsi male qabyaaladi waxay dumiso mooyaane.

Mukhtar Abdi Jama

4406123