London(Wajaale News):-Telefishanka afka somaliga ku hadla ee ka mid ah Telefishanada somalida ayaa shaqada si cunsuriyaysan  uga caydhiyey Fanaanada Nimco Degan oo ka mid ahayd shaqaalaha ka shaqeeya Tv-gaasi Universal  oo ah Muwaadinad reer Somaliland ah,isla markaana laga qaaday Barnaamij ay iyadu Hindisatay ama ay hal abuuratay sida ay sheegtay mar ay la hadashay qaar ka mid ah warbaahinta Somaliland.

Fanaanada/suxufiyada Nimco Degan oo ah fanaanad ka can ah gayiga somalidu degto ayaa muddo waxa ay shaqadeeda u bedeshay dhinaca mihnada suxufinimo isla markaana ay qayb laxaad leh ka qaadan jirtay Barnaamijka Iiwad Sheekada ee ka baxa Telefishankaasi,oo ah Barnaamij aad u xiiso badnaa oo madedaalo ah,Barnaamijkan ayaa dharkii habeen ee ugu dambaysay ee uu baxay waxa booskii Nimco Degan lagu arkay gabadh kale oo la daadihinaysa wariyihii Degan la daadehin jiray.

Nimco Degan ayaa sheegtay in ay iyadu masuuliyiinta tv-gaasi ay ula timid barnaamijkan isla markaana ay sidaasi ku soo saartay oo ay fikrada Barnaamij Madadaaleedkan Iiwad Sheekada ay iyadu iska leedahay isla markaana hadii ay ka tagto TV-ga ay iyadu xaq u leedahay in ay qaadato ama sidii ay raali ku tahay,waxa ay intaasi ku dartay in anay ka hadhaynin inta ay ka helayso xuquuqdeedii oo ay arrintan u gudbin doonto maxkamadaha dalkaasi Ingiriiska.

Wajaale News
Hargaysa Office
Info:wajalenews@gmail.com
Reporter:Abdiqadir Abdiraxman Habane