Kenya-(Wajaale News)- Baarlamaanka dalka Kenya ayaa meel mariyay oo ansixiyay sharci adag oo lagu soo rogay Saxaafadda dalka Kenya oo lagu mutaysan doono ganaax lacageed oo aad u badaniyo ciqaab adag.

Xeerkan cusub ee uu ansixiyay Baarlamaanka Kenya ayaa siinaya awoodo dheeraad ah maxakamadda xukunaddan qaadaysa, iyadda oo Wariyihii jebiya xeerka anshaxa saxaafadda in uu mutaysan doono xadhig adag iyo ganaax lacageed oo dhan Toban Kun oo Doollarka Maraykanka ah iyo weliba in lagala noqdo ruqsaddii warbaahinneed.
Hay?addaha warbaahineed iyo saxafiyiinta dalka Kenya ayaa walaac xoog leh ka muujiyay cawaaqib xumadda ka dhalan karta sharcigan adag ee uu ansaxiyay baarlamaanka dalka Kenya kaas oo dhirbaaxo culus ku noqon doona geedi socodkii hanaankii saxafadeed ee dalkaasi.
Sharcigan cusub oo ayaa ah mid lagu xakamaynayo saxaafadda Kenya oo muddooyinkii danbe ay dawladda Kenya iyo siyaasiyiinta iyo xisbiyadda dalkaa ka jiraaba ay dareemeen in ay saamayn xoog leh ku yeelatay sida ay u kala dhex gashay shacabka iyo dawladda iyo xisbiyadda dalkaa ka jira, tan doorashashadii dalkaa ka dhacday kaddib. Sodoo kale waxa dawladda Kenya werwer weyn ku dhaliyay qaabkii baaxadda lahaa ee ay saxaafadda dalka Kenya u kashiftay qaabkii uu dhacay weerarkii lagu hoobtay ee dhawaan lagu qaaday xaruntii ganacsiga ee Westgate ee magaaladda Niarobi, iyo ceebta ka raacday dawladda iyo ciidamadda dalkaasi.

Wajaale News
Hargaysa Office
Info:wajalenews@gmail.com
Repoter:Abdiqadir Abdiraxman Habane