Kampala-(Wajaale News)- Wasaaradda Caafimaadka Somaliland ayaa Warbixino is-khilaafsan oo aad u kala fog ka bixiyey Heerka uu Xanuunka TB-du ka marayo Somaliland, kuwaas oo sidoo kale deedefeeyey Waraysi uu doraad Wargeyska Haatuf  la yeeshay Madaxa Wacyi-galinta Xafiiska Xakamaynta Xanuunka Qaaxadda Xasan Maxamed Sheekh Nuux, kaas oo isagu sheegay inuu aad sare ugu kacay xanuunkaasi Somaliland. Hase yeeshee Madaxa Wacyigalinta cudurka TB-da ee Wasaaradda Caafimaadka Somaliland Xasan Maxamed Sheekh Nuur iyo Agaasimaha Cusbitaalka TB-da ee Magaalada Hargeysa Dr Maxamed Cabdi Xergeeye ayaa Shir jaraa?id oo shalay ku qabteen Xarunta Wasaaradda Caafimaadka ee Magaalada Hargeysa beeniyey Waraysigii Sarkaalkaas Wacyi-galinta haystaa uu Maalintii Arbacadii doraad Xafiiskiisa ku siiyey Wargeyska Haatuf.

Waxaana ilo wareedyo Wargeyska Haatuf uu helay ay sheegeen in shirkad jaraa?id ee shalay
lagu deedafaynayo Masuulka bixiyey Waraysigaasi hore ay timid kadib markii sida la sheegay uu ka gubtay warkaasi Wasiirka Caafimaadku Mr Xagla Toose, kaas oo ku khasbay in Masuuliyiintaasi mar kale hadlaan oo ay Warbixino is burinaya ka soo saaraan laba cisho oo isku xigta heerka Xanuunka Qaaxadu uu marayo. Ugu horayna Xasan Maxamed oo shirkaa jaraa?id ee shaly ka hadlay, isla markaana burinaya Waraysigii uu bixiyey ayaa waxa uu hadalkiisa ku bilaabay ?Cudurka Qaaxada (TB) sanadba sanadka ka dambeeya hoos ayay u soo dhacaysaa oo sidii hore ee ay ahaan jirtay way ka sii yaraanaysaa. Isaga oo hadalkiisa sii watana, waxa uu yidhi ?Annagu waxaanu doonaynay in sare loo sii qaado wacyigalinta cudurka TB-da?. Sidoo kale Agaasimaha Cisbitaalka TB-da ee Magaalada Hargeysa Dr Maxamed Cabdi Xergeeye, oo isna halkaas ka hadlay, waxa uu yidhi

?Anniga oo ah masuulka cisbitaalka TB-da ee Magaalada Hargeysa, ogna xogta cisbitaalkaasi, ma jirto qaaxo kor u kacday ilaa tobankii sanadood ee u dambeeyay, annigu lix sanadood ayaan cisbitaalka joogay, waan hayaa xogtii imika iyo xogtii horeba, ma jirto qaaxo si caadi ah iyo si qayral caadi ah kor ugu kacday, qaaxadu waxay ku socotaa layn u muuqda inay xakamaysan tahay oo u muuqda inay sanadba sanadka ka dambeeya ayay hoos u sii dhacayso, waxay u muuqataa inuu shaqeynayo qorshaha Wasaaradda Caafimaadku ugu talogashay lagu xakameeyo iyo mashruuca loogu talo-galay in lagu xakameeyo qaaxada, sidaa daraadeed waxaan rejaynayaa in wakhti ka mid ah wakhtiyada aynu qaaxada tirtiri doono?. Agaasimaha Xafiiska Xakamaynta Xanuunka TB-da ee Wasaaradda Caafimaadka Somaliland Dr Ismaaciil Aaden Cabdilaahi, oo isna halkaasi ka hadlay ayaa sheegay in mashruuca la dagaalanka TBd-du si fiican u socdo isla-markaana aanay jirin sare u kac ku yimid Xanuunka Qaaxada kaas oo sidoo kale si cad u dafiray Warbixintii uu isagu ku amray inuu Wargeyska Haatuf siiyo Madaxa Wacyi-galinta ee Xafiiskiisaasi.xigasho/haatuf.

Wajaale News
Hargeysa Office
Please Contact wajalenews@gmail.com