Burco(Wajaale News) Maareeyaha  Wakaalada Biyaha Burco  Mr. Ibraahin  Yuusuf  Diiriye (Jirde), ayaa  waxba kama jiraan ku tilmaamay  war sheegaya in magaalada Burco  ay ka  jirto biyo la,aani, kuwaasoo  lagu qoray qaar ka mid ah warbaahinta Maxaliga.

Maareeyaha  waxa kale oo uu tilamaamay in  magaalada Burco  tahay  goob  hodon ku ah  biyaha, balse

kuwa  qoraya  hadaladaasi been abuurka ah ,waa kuwo ka xun horumarka iyo  isbedelka  ka hana qaaday   xarunta wakaaalada  Biyaha Burco.

?Waxa Jira Shaqsiyaad ganacsato ah ,oo mudo  la noolaa wakaalada  biyaha ,lagana qaadan jiray Shidaalka, spare parts, iyo wixii la mida, anaguna ugu nimi,iyagoo ku leh , deyn gaadhaysa ilaa 480-milyan Sl.Sh, balse  markii  wakaaladu   hanaqaaday  ee isku filaatay, abaabulaya  xasarad , oo  inamo  yaryar  ku  odhanaya  website-yada  wax ku qora, kuwaas  waxaan leeyahay ,  indhihiinu  ha arkaan  horumarka iyo  waxqabadka  dawlada? Ayuu  yidhi.

Waxa  Maareeyuhu  xusay in   beebka  biyaha  qaada  xoogiisu yahay  kii jarmalka  , oo ciladi  waa  iman kartaa  haseyeeshee  ma jirto wax cilad ama  hakad  ah oo mar kaliya  ku   yimi biyaha  magaalada . waxaanu  carabka ku dhaftay in Burco  tahay  magaalooyinka ugu  biyo  badan Dalka , Burcaa  biyaa laga  waayayna  Waxay  ka dhigan tahay  ayuu  yidhi. ? Nugaalbaa  dur-dur  waydoo , docmaa  looga  arooraa  dad maqaadanayaa? ayuu yidhi Mareyuhu

Si Kastaba ha ahatee Wakaalada Biyaha Burco ayaa  waxay ka mid tahay   hay,addaha dawlada Gobalka Togdheer Ee  ku talaabsaday  horumarka  balaadhan.

Hargeysa Office
Wajaale News