Bunagana(Wajaale News) -2013-Ciidammada dalka Kongo ayaa la wareegay gacan ku haynta magaalada Bunagana ee Gobalka Waqooyiga wadanka ee Kivu oo xarun u ahayd fallaagada M23.

Magaalada ayaa ah tii ugu dambaysay ee ay ku xoogganaayeen fallaagada M23 oo muddo dhowr sano ah ka dagaallamayay Jamhuuriyadda Dimuqraadiga ee Kongo,Madaxweynaha Kongo Joseph Kabila ayaa arrintan ku tilmaamay guul u soo hoyatay dadka reer Kongo.

Boqolaal ruux oo dabbaal degaya ayaa ciidammada dowladda ku soo dhaweeyay magaaladaasi laga xoreeyay fallaagada m23,Magaaladu waxay ku taalla xadka uu dalka Kongo la wadaago Ugaandha.

Dad badan oo kale oo ka cabsi qabo iska horimaadyo dhexmara labada dhinac ayaa ku qulqulaya xadka dalka Ugaandha.

Qaramada Midoobay ayaa walaac ka muujsay tirada sii kordheyso ee qaxoontiga ka soo cararaya dagaallada ee ka soo tallaabayo xadka Ugaandha iyo kongo ay wadaagan.
–

Wajaale News
Hargaysa Office
Info:wajalenews@gmail.com
Repoter:Abdiqadir Abdiraxman Habane