Jubooyinka-(Wajaale News)-Guddoomiyaha Al-shabaab ee Jubbooyinka,Cabdiaxmaan Xudeyfa ayaa sheegay inay qorsheynayaan inay weeraro ka geystaan dalalka Uganda iyo Kenya.

alshabaab Xudeyfa, oo u warramay Idaacada Andulus ee ku hadasha afka Al-Shabaab, ayaa daboolka ka qaaday in dagaalyahano ka tirsan Shabaab oo ku sugan dalalkaas diyaar u yihiin in iyagoo difaacaya Kitaabka Alle ay weeraro ka geystaan sida uu yidhi.

“Shabaab waxay go’aan ku gadhay inay ka aar-gutaan, kuwa nagu soo duulay ee dhibaatada nagu haya, hadii wax walba ay inoo adeegsadeen, anagana waxaa u adeegsan doonaa wixii aan awoodno”ayuu yidhi Sheekh C/raxmaan Xudeyfa

“Haddii ay wax walba noo adeegsadeen Anaguna waxaan u adeegsanaynaa wixii aan awoodno,” ayuu ku yidhi hadalkiisa

“Waxaanu shacabka Soomaaliyeed ugu baaqayaa inay Kitaabka Alle gacanta ku qabsadaan oo ay fahmaan, waxaana looga baahan yahay inay la diriraan kuwa doonaya inaan lagu dhaqmin,” ayuu hadalkiisa raaciyay.

“Mujaahidiintu waxay go’aansadeen inay ka aargutaan kuwa dhibaatada ku haya dadkooda iyo dalkooda, waxaana noo qorsheysan inaan xilliyada soo socda weerarno labadan dal,”ayuu yidhi Cabdiraxmaan Xudeyfa.

Wajaale News
Hargeysa Office
Info wajalenews@gmail.com