Burco(Wajaale News)Madaxwaynaha Somalilandoo maanta dhagax dhigay Runwayg Airport ka iyo waddada cerigaabo, xadhigana ka jaray Guri loo dhisay Sakariisha Ciidanka Qaranka kana qaybgaly xaflad qalinjebin oo jamacada Gollis Burco ku qabatay Egal Hotel

Ugu horeyn Madaxweynuhu waxa uu Xadhiga ka jaray Guri loo dhisay Sakariisha Ciidanka Qaranka JSL ka dibna waxa uu madaxweynuhu ka qayb galay Xaflad baladhan oo lo sameeyey Arday gaadhaysa 150 arday oo ka qalinjebiyey jaamacada Golis University Burco.

Madaxweynuhu  waxa uu xaflada kadib soo dhagax dhigay waddada ceerigaabo, waxaana Madashii lagu dhagax dhigayay wadadani madaxwaynaha ku wehelinayay xubno ka mid ah golaha wasiirada.Xildhibano ka tirsan barlamanka.Gudida dibu dhiska madarka burco iyo marti sharaf kale oo aad u tiro badan.

Ugu horaynba waxa halkaasi ka hadlay Gudomiyaha Guddiga Horumarinta Gobolka Togdheer Maxamuud Aden Dheri waxaanu shegay inay wadadani dhererkeedu dhan yahay 370 km isla markaasna loo baahan yahay sidii laysku barbar taagi-lahaa dhismaha wadadani.

Badhasabka Gobolka Togdheer Axmed Cumer X.C/laahi (Xamarji) oo isaguna halkaasi ka hadlay ayaa dhinaciisa shegay inay wadadani tahay mid muhiim ah isla markaasna bulshada gobalada bariga s/land u sahli-doonta inay si fudud ku maraan wadadaasi.

Wasiirka Warfaafinta C/laahi Maxamed Daahir (Cukuse) Wasiirka Degaanka Shukri X- Bandare.Wasiirka waxbarashada iyo Tacliinta Sare Samsam Cabdi aden.iyo wasiirka gashandhiga Axmed X. cali  Cadami oo iyaguna halkaasi ka hadlay ayaa shegay inay ka go?an tahay sidii ay tagero ula barbar istaagi lahayeen wadadaasi.

Wasiirka Madaxtoyada Somaliland Xirsi Cali X. Xasan ayaa ka warbixiyay marxaladihii kale duwanaa ee loo soo maray sidii loo hirgalin lahaa wadadani.

Gaba-gabadii madaxwaynaha somaliland axmed Maxamed Maxamuud Silanyo ayaa dhagax dhigay wadadaasi waxaanu madaxwaynuhu qudbad uu halkaasi ka jeediyay uu ku shegay inay xukumad ahaan ay diyaar u yihiin sidii loo hirgalin-lahaa wadadani isku xidhi-doonta Magalooyinka Cerigabo iyo Burco.

Waftigani Baladhan ee uu hogaminayo Madaxwaynaha somaliland ayaa sidoo kale manta dhagax dhigay Dhowr Xarumood oo kale ah Saldhig Police Oo Laga hirgalin doono Xaafada City plaza. iyo waliba  Sadex Km Oo lagu kordhin-doono Dhabada ay ka hadaan Diyaraduhu

Wajaale News

Hargeysa Office