|
|||||
WAJAALE NEWS
Dawladda Hong Kong oo soo Saaray Baabuur Shidaal La’aan ku Shaqaynaysa si Dikhawga Hawada Looga Hortago
September 11, 2013 - Written by Wariye:
Ikhtiraacidda baskan cusub waxa ay qayb ka tahay olole dadka magaaladaas ku nool ugu jiraan ka hortaga dikhawga hawada ee baabuurtu sababaan. Mr. Leung Chun-ying oo ah madaxa guddida fulinta Hong Kong, ayaa sheegay in ballanqaadyadooda ugu weyn ka mid ahaayeen in ay muddo shan sanno ah dikhawga hawada ku yareeyaan, isagoo tilmaamay in wasakhawga hawadu yahay waxyaabaha ugu waaweyn ee khatarta geliya caafimaadka bulshada. Shacabka degaankaas oo aad ugu farxay gaadhiga cusub, waxaanay sheegeen in aan baskan oo kaliyi ku filnayn ololaha ka-hortagga dikhawga hawada, balse loo baahan yahay in caasimadaha kale ee dalkana la geeyo baabuur sidan oo kale ah aan shidaal ku shaqaynayn. Shirkad kale oo ku taal koonfurta dalka Shiinaha ayaa iyaduna hore u soo saartay tagaasi ku shaqaynaya elektari, kuwaas oo la soo bandhigtay bishi May ee sannadkan. Xoghayaha maamulka dawladda ee degaanka Mr. Wong Kam-shing, ayaa sheegay in dawladdiisu bixisay $ 23 milyan oo dollar oo u dhigtanta HK$180 milyan oo lacagta Shiinaha ah si ay ugu soo iibsato qalabka lagu samaynayo 36 bas oo koronto ku shaqeeya dhammaadka sannadkan, waxana samayntooda ku hawlan shirkado gaar loo leeyahay. “Hadafkayaga fog waa in meesha laga saaro dhammaan dikhawga ka dhasha qiiqa baabuurtu sii daayaan, annagoo aan kharash sidaa u badan ku bixinayn, waxaanuna doonaynaa inaannu tallaabo tallaabo arrinta u qaadno,” ayuu Mr. Wong Kam-shing ku yidhi war-saxaafadeed uu warbaahinta dalkiisa kula hadlay.
Related posts:Xogo Dheeraad ah oo ka Soo Baxay Wacdarihii Kala Qabsaday Kamaandowska Maraykanka iyo Al-shabaab Faysal Cali Waraabe Oo Xukuumada Somaliland Ugu Baaqay In Ay Joojiso Oo Ay Ka Noqoto Wadahadalada So... Wasiirka Waxbarashada Oo Shahaadooyin Guddoonsiisay In Ka Badan Afar Boqol Oo Arday Oo Ah Ardaydii U... COMMENTS
|
LINKS
|
||||
|