Boorame(Wajaale News)-Maamulka D/hoose ee Degmada Boorame ayaa markii u horeysay soo saarey Qoraal ay ku shaacinayaan  kuna Fulinayaan Magac Bixinta Garoonka Kubada Cagta ee Magaalada Boorame ee Xarunta Gobolka Awdal kaas oo loogu magac darey mid kamid ah Duqeydii waaweyned  ee Gobolkan Awdal.
Nuqul qoraal ah oo ay ku saxeexanyihiin Gudoomiyaha Golaha Deegaanka Degmada Boorame Saleebaan Xasan Xadi iyo  Kuxigeenkiisa iyo Waliba Xoghayaha Fulinta Maamulka D/hoose ee Degmada Boorame  oo ah nuqulka Qoraalka kasoo baxey Xafiiska Maayarka iyo D/hoose ee Degmada  Boorame oo lagu shaacinayo Magacan oo soo gaadhey Shabakada Wararkaee saaxilnews xarunteeda borama ayaa  u dhignaa isagoo dhameys tiran sidan:-
Ujeedo: Go?aan

Fulineed

Maanta oo ay taariikhdu tahay 27/4/2013 shir ay isugu yimaadeen Gudida Fulinta ee D/Hoose ee Degmada  Boorame ayna kaga hadleen garoonka kubadacagta ee biroole ee Degmada  Booramesidii loogu magac bixin lahaa, dood dheer iyo falanqayn kadib waxa ay garteenin loogu magac daro Xaaji Daahir Aw  Cilmi, oo kamid ah duqeydii waaweyneyd ee  Gobolkan Awdal.
Hadaba markaan aragnay codsiga aynoo soo qoreen Ilmo Xaaji Daahir Aw Cilmi, kuna codsadeen  in Aabahood loogu  magac daro Garoonka Biroole ee kubada cagta ee Degmada  Boorama, anaga oo tixgalinayna codsigooda aynoo soo qoreen waxaan isla garanay in loogu magac daro garoonka Xaaji Daahir Aw Cilmi.

Wajaale News
Hargeysa Somaliland Office
Contect:Wajalenewa@gmail.com