Hargeysa (Wajaale News) – Ciidamadda Booliska ee sida gaar ah ku tababaran laguna Magacaabo RRU ayaa soo gaadhay Xarunta Ay Diyaaradda Ethiopian Airline Ku Leedahay Magaaladda Hargeysa badhtamaheeda, taas oo ay maalmihii ugu dambeeyay Ku Sugnaayeen rakaab u diwaangashanaa in ay sii raacaan.
Lama oga waxa ay ciidamadda RRU-du ka soo dooneen Goobta ay ku sugan yihiin dadka rakaabka ah ee u diiwaangashanaa Diyaaradda Ethiopian Airline, balse ilo wareedyo u dhuun daloola ayaa u sheegay Hadhwanaagnews in dadkan looga baqo qabo in ay mudaharaad ay cabasho ah dhigaan.

Maalintii shanaad ayay rakaabkan oo ku sii jeeday meelo kala duwan oo dunida ahi ku xaniban yihiiin Hargeysa, ka dib markii diyaaradda Ethiopian Airline oo ay u diiwaangashanaayeen ay hakisay Duulimaadkeedii Magaalooyinka Hargeysa iyo Adis Ababa.

Ma cada ilaa hadda sababta ay Diyaaradaasi u hakisay duulimaadkeedii, waxaana wafti wasiiro ah oo ay ka mid yihiin Wasiiradda Duulista iyo arrimaha Guduhu ay u tageen Adis Ababa si ay uga war doonaan waxa ku dhacay Diyaaradaasi.

War saxaafadeed ay shalay soo saareen Masuuliyiinta Wasaaradda Duulistuna waxa ay ku eedeeyeen Diyaaradda Ethiopian Airline in ay u hakisay Duulimaadkeeda sifo aan la aqoonsan.

Si kastaba ha ahaatee rakaabka diyaaradaasi ayaa ku xaniban Hargeysa, waxaana waagii baryaba ay naawilayaan in ay helaan xog rasmi ah oo ku saabsan halka ay ku dambaysay diyaaradii lacagaha ka uruurisay.

Wajaale  News
Hargeysa Office
wajalenews@gmail.com