War degdeg ah:alla ha u naxaraiistee waxaa la helay meydii Suldaan Barre Shire Warsame oo xalay daad qaadey

Gal-Xidigaale-(WAJAALE-news)-Waxaa isla daqiiqado ka hor la helay meydkii alla ha u naxariistee Suldaan Barre Shire Warsame oo Xalay dooxa Dacar-budhuq qaadey, isagoo xubin ka haa Ergo salaadiina oo ku sii jeeday gobaolada bariga Somaliland oo shaqaaqo ka istaadhantey.

Alla ha u raxmadee Suldaan Barre Warsame ayaa ka mid ahaa Ergo uu hogaaminaayey Wasiirka arimaha gudaha Cali Warancade.

Suldaan Barre ayaa daqiiqado ka hor laga helay meydkiisa agagaarka Gal-xidigaale oo ah halka uu daadku geeyay,waxaana sidaas noo xaqiijiyey Cali Fayr Xuseen oo ah oo ay suldaanka ehel iyo saaxiibo weynba ahaayeen,oo ka mid ah dadkii baadigoobaayey suldaanka tan iyo xalay niskii danbe,kana gurmadey Hargeysa.

Wuxuu Cali Fayr noo xaqiijiyey in meydkiisa laga helay meel dooxa oo aan baabuurtu geli karayn,waxaana lagu soo qaadayaa gacanta ,waxaana hadda la wadaa ama loo macmalayaa Rarab lagu soo qaado oo lagu keeno meesha Anbalaastu ka qadi karto,wuxuuna intaas iigu daray in Anbalaas ay ka dalabadeen Hargeysa oo ay dhexda ku soo jirto.

Geesta kale wuxuu sheegay in Rarabta lagu soo qaadi doono meydka Suldaanka masaafad waxoogaaya ka durugsan tahay Gaadiidka oo lala soo lugeyn doono iyadoo Rarabta lagu sido ilaa la soo gaadhsiiyo halka baabuurkuka qaadi karto.

Alla ha u raxmadee Bahda Wajaalenews waxay tacsi tiiranyo leh u diraysaa Qoyska,ehelada,saaxiibada ,qaraabada iyo bulshoweynta reer Somaliland ee uu ka baxay Suldaan Barre shire awrsame