Waxa uu Akaadamigu lagama maarmaan u yahay ama laf-dhabar horumarka iyo nabaddeynta dalkeena Somaliland”Guddoomiyaha cusub ee Hoggaanka (BoD)Akaademiga Nabadda iyo Horumarka, ahna Madaxweyne-ku-xigeenkii labaad ee Somaliland Muj. Cabdiraxmaan Aw Cali Faarax

Hargeysa(WJN):Shirweynihii 5aad ee Akaadamiga nabadda iyo horumarinta Somaliland (Academy for peace and Development) ayaa shalay lagu doortey Broad Of Directs cusub oo ka kooban 11-xubnood, kadib markii uu Broad-kii hore xilkoodii oo laba sanadood ahaa uu ka dhamaaday.

Shirweynahan oo hal maalin ah, ayaa waxa lagu qabtey Huteelka Ambassador ee Magaalada Hargeysa, waxaana lagaga hadlay waxyaabihii u qabsoomay Akaadamiga nabadda iyo horumarinta, iyo waxyaabaha qorshaha ugu jira inay qabtaan Waxaana Munaasibadii furi

iyo xidhitaanka ahayd ee Shirweynaha Shanaad ee Akaademiga Nabadda iyo Horumarka oo isku lammaanaa, waxa ka qeybgalay Wasiirka Wasaaradda Qorsheynta Qaranka Somaliland Dr. Sacad Cali Shire, saraakiil ka socday hay?adaha caalamiga ah iyo kuwa waddaniga ah ee wada shaqeynta la leh Akaademiga Nabadda iyo Horumarka, Madaxda iyo Masuuliyiinta kala duwan ee Hay?adda Akaademiga Nabadda iyo Horumarka iyo weliba marti-sharaf kale oo lagu marti-qaaday shirka.

Guddoomiyaha cusub ee Hoggaanka (BoD) AkaademigaNabadda iyo Horumarka, ahna Madaxweyne-ku-xigeenkii labaad ee Somaliland Muj. Cabdiraxmaan Aw Cali Faarax oo ugu horreyn ka hadlay xilka loo igmaday, ayaa Illaahay ka beryey inuu ku asturo mas?uuilyadda la saaray, isaga oo Xubnaha cusubna ugu ku booriyey inay wada shaqeyn fiican yeeshaan. “Waxaa halkaas ka muuqata inuu Akaadamigu lagama maarmaan u yahay ama laf-dhabar u yahay horumarka iyo nabaddeynta dalkeena, intii aan joognay hawlo baddan oo la qabtey ayaan u soo joognay, qoraalo baddan oo la sameeyey ayaan aragnay oo dhaxal-gal noqday,intaasba rag ayaa soo wadday oo halkan ay maanta mareyso soo gaadhsiiyey.Waan hambalyeynaya cid alla ciddii gacan ka geysatey waxyaabihii soo qabsoomay”.Ayuu yidhi.

Isaga oo hadalkiisa sii watana waxa uu yidhi”Waxaan leeyahay Broad-ka tagaya ILAAHAY sidii uu idinku asturey,annagana hawsha ha noogu asturo, waxaan isku dayi doona inaan la jaan-qaadno marxalada cusub ee akaadamigu galayo intii itaal-kayaga ah. Intii na soo xushay way ku mahadsan yihiin oo tix-gelin ayaan u aragnaa inta gacan-taaga noogu codeysayna iyaguna way mahadsan yihiin,

Waxaana la filayaa inay Akaademiga Nabadda iyo Horumarka Somaliland in 15-September 2013 u dabbaal-deggaya sannad-guuradoodii shan iyo tobnaad ee ka soo wareegay aasaaskoodii, ayaa loogu mahad-naqay Shirweynaha aasaasayaashii Akaademiga Nabadda iyo Horumarka oo ay ka mid ahaayeen Matt Braden, Cabdiraxmaan Cismaan Raage iyo Prof. Axmed Yuusuf (AHN).

Liiska 11-ka magac ee Broad Of Directs-ka cusub waxay kala yihiin sidan:

1.       Cabdiraxmaan Aw Cali Faarax

2.       Dr. Caasha Aw Maxamed Nuur

3.       Haaruun Axmed Qulunbe

4.       Dr. Maxamed Xuseen Mu?adin

5.       Suldaan Axmed  Daahir   

6.       Dr. Maxamuud Garaad Maxamed

7.       Siciid Maxamed Axmed

8.       Mark  Breary

9.       Maxamed Baar-jeex

10.   Nafiis Yuusuf Maxamed

11.   Janathan Star

WAJAALENEWS DESK

Hargeisa Office

Contact Us:  wajalenews@gmail.com