Munaasibad Balaadhan Oo Lagu Daah Furay Jaaliyadda East London Ee Somaliland Oo Ka Dhacday Bariga London+ Sawiro

WAJAALE NEWS

June 24, 2013 - Written by Wariye:

(Wajaale news) Monday, June 24, 2013
Halkan ka akhriso kana daawo sawiradda

DAAWO SAWIRO IYO WARBIXIN…XAFLAD LAGU DAAH -FURAAYEY JAALIYADA EAST LONDON SOMALILAND SOCIETY OO KA DHACAY BARIGA LONDON.

Xaflad balaadhan oo lagu aas aasayey jaaliyadda Somaliland ee east London ayaa ka dhacday hoolka caanka ah ee xafladaha lagu qabto kuna yaala xaafada Bethnal green ee bariga London.
Munaasibadan oo ahayd mid ilyartu isqabatay ayaa waxa isugu yimid dad tiradoodu ku dhawdahay 300 oo qof oo ka kala yimi magaalada London iyo nawaaxigeeda.

Waxa kale oo iyana xafladaa ka soo qayb galay masuuliyiinta xisbiyada,safiirka Somaliland, wakaalada qurbe jooga, jaaliyadaha Somaliland,Salaadiin, wax garad

haween iyo dhamaan qayabaha kala duwan ee bulshada.

Agaasinka xaflada oo ahaa mid aad u sareeya ayaa ugu horayn waxa hadalka furay yaasiin maxamed Cosman(Guray) oo isagu ahaa daadihiyaha barnaamijka oo runtii aad u qurux badan barnaamijka u hagayay, waxana uu ugu horayn ku soo dhaweeyay gudoomiyaha gudida qaban qaabada Mudane C/xakiim Maxamuud C/raxmaan(cadaani), oo isagu hormuud u ahaa gudidii hawshan iska xilsaartay iskuna soo duba riday.

Waxa kale oo iyana halkaa ka hadlay masuuliyiin farabadan oo uu kamid yahay G/xigeenka kulmiye Maxamed Kaahin Axmed,Safiirka Somaliland,wakaalada qurba joogta oo dhamaantood soo dhaweeyay jaaliyadan ee cusub ee east London laga hirgaliyay.
Ugu danbayntii xafladan ayaa ku dhamaatay jawi aad u qurux badan.